IND vs AFG, World Cup: एकतर्फी विजयाची नोंद करण्याच्या इराद्याने भारतीय संघ बुधवारी विश्वचषकाच्या दुसऱ्या सामन्यात अफगाणिस्तानशी भिडणार आहे. दरम्यान, सामन्यापूर्वी भारताचे फलंदाजी प्रशिक्षक विक्रम राठोड यांनी संघाच्या तयारीबाबत तसेच डेंग्यूने त्रस्त असलेल्या भारताचा सलामीवीर फलंदाज शुबमन गिलच्या प्रकृतीबाबत मोठा खुलासा केला आहे. भारतीय फलंदाजी प्रशिक्षक विक्रम राठोड म्हणाले की, “गिल अजूनही चेन्नईत आहे आणि त्याच्या प्लेटलेट्सची संख्या १,००,०००च्या खाली गेल्याने त्याला यापूर्वी रुग्णालयात दाखल करण्यात आले होते, परंतु आता तो सध्यातरी बरा असून हॉटेलमध्ये परतला आहे. त्याच्या प्रकृतीत सुधारणा होत आहे.”
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
पुढे राठोड म्हणाले, “शुबमन गिल हा भारतासाठी महत्त्वाचा खेळाडू आहे, परंतु हा स्टार सलामीवीर फलंदाज त्याच्या आजारपणामुळे चेन्नईत ऑस्ट्रेलियाविरुद्धच्या भारताच्या सामन्यातून बाहेर पडला होता. यामुळे त्याच्या जागी इशान किशनला संधी देण्यात आली होती.” विक्रम राठोड म्हणाले, “त्याला रुग्णालयात दाखल करण्यात आले होत मात्र, तो हॉटेलमध्ये परतला आहे. चेन्नईतील वैद्यकीय पथक त्याच्यावर नजर ठेवत आहे. लवकरच तो संघात परतेल असा आम्हाला विश्वास आहे.”
भारतीय संघाच्या तयारीबद्दल बोलताना विक्रम राठौर म्हणाले, “फक्त कामगिरीवर लक्ष केंद्रित करायचे आहे. हाच आमचा सर्व खेळाडूंना संदेश असून त्यांनी त्यांचा खेळ योग्य प्रकारे खेळायचा पाहिजे. टीम इंडिया हा एक मजबूत संघ आहे जो योग्य निकाल देईल.” सराव सत्रानंतर पत्रकारांशी संवाद साधताना त्यांनी ही माहिती दिली.
दुसऱ्या क्रमांकावर खेळणाऱ्या इशान किशनबाबत उपस्थित होणाऱ्या प्रश्नांना उत्तर देताना विक्रम राठोड म्हणाले, “हा फॉरमॅट कसा खेळायचा हे प्रत्येकाला माहीत आहे. संघातील प्रत्येकाला स्वातंत्र्य देत आहोत, प्रत्येकाची खेळण्याची पद्धत वेगळी आहे, त्यावर विश्वास ठेवावा लागेल. कर्णधार, प्रशिक्षक खेळपट्टी बघून निर्णय घेतील. यावर कोणतीही चर्चा नाही. इशानने भूतकाळात त्याच्या फलंदाजीबाबत खुलासा केला आहे, यावर मला विशेष चर्चा करायची नाही. तो टॉप ऑर्डरवर फलंदाजी करू शकतो. आशा आहे की तो आणखी चांगली फलंदाजी करेल.”
विश्वचषकातील कामगिरी
दुसरीकडे, विश्वचषकातील उभय संघाची कामगिरी पाहायची झाली, तर भारताने पहिल्या सामन्यात ऑस्ट्रेलियाचा सामना केला होता. हा सामना भारताने ६ विकेट्सने जिंकला. विशेष म्हणजे, भारताचा स्टार सलामीवीर शुबमन गिल आजारी असल्याने त्याला या सामन्यात खेळता आले नव्हते. तसेच, तो अफगाणिस्तानविरुद्धही खेळताना दिसणार नाहीये. अशात इशान किशनला संधी मिळण्याची शक्यता आहे. दुसरीकडे, अफगाणिस्तानने आपला पहिला सामना बांगलादेशविरुद्ध झाला होता. हा सामना बांगलादेशने ६ विकेट्सने जिंकला होता.
खेळपट्टी आणि हवामान
दिल्लीचे अरुण जेटली स्टेडिअम फलंदाजीसाठी अनुकूल खेळपट्टी, लहान मैदाना आणि फलंदाजांसाठी वेगवान आऊटफील्डसाठी प्रसिद्ध आहे. सुरुवातीला वेगवान गोलंदाजांना मदत मिळू शकते. तसेच, मधल्या षटकात फिरकीपटू वर्चस्व गाजवू शकतात. विश्वचषकातील मागील सामन्यात या मैदानावर दोन डावातील मिळून ७००हून अधिक धावांचा पाऊस पडला होता. दक्षिण आफ्रिकेने ४२८ धावा केल्या होत्या, तर श्रीलंकेने ३२६ धावा केल्या होत्या. अशात या सामन्यातही मोठी धावसंख्या उभारली जाण्याची आशा आहे. दवांमुळे कर्णधार नाणेफेक जिंकत गोलंदाजी करण्याच्या निर्णयाला पसंती दर्शवतात. हवामानाविषयी बोलायचं झालं, तर वेदरकॉमच्या रिपोर्टनुसार दिल्लीत बुधवारी कमाल तापमान ३५ अंश सेल्सियस आणि किमान तापमान २२ अंश सेल्सियस असेल. संपूर्ण सामन्यादरम्यान पावसाची कोणतीही शक्यता नाहीये. मात्र, आकाशात ढग दाटण्याची शक्यता वर्तवली जात आहे.
विश्वचषकासाठी उभय संघ
भारत: रोहित शर्मा (कर्णधार), शुबमन गिल इशान किशन, विराट कोहली, श्रेयस अय्यर, के.एल. राहुल (यष्टीरक्षक), हार्दिक पांड्या, रवींद्र जडेजा, रविचंद्रन अश्विन, कुलदीप यादव, जसप्रीत बुमराह, मोहम्मद सिराज, मोहम्मद शमी, सूर्यकुमार यादव, शार्दुल ठाकूर
अफगाणिस्तान: हशमतुल्लाह शाहिदी (कर्णधार), रहमानुल्लाह गुरबाज (यष्टीरक्षक), इब्राहिम जादरान, रियाझ हसन, रहमत शाह, नजीबुल्ला जादरान, मोहम्मद नबी, इकराम अलीखिल, अजमतुल्ला उमरझाई, राशिद खान, मुजीब उर रहमान, नूर अहमद, नवीन-उल-हक, फजलहक फारुकी
पुढे राठोड म्हणाले, “शुबमन गिल हा भारतासाठी महत्त्वाचा खेळाडू आहे, परंतु हा स्टार सलामीवीर फलंदाज त्याच्या आजारपणामुळे चेन्नईत ऑस्ट्रेलियाविरुद्धच्या भारताच्या सामन्यातून बाहेर पडला होता. यामुळे त्याच्या जागी इशान किशनला संधी देण्यात आली होती.” विक्रम राठोड म्हणाले, “त्याला रुग्णालयात दाखल करण्यात आले होत मात्र, तो हॉटेलमध्ये परतला आहे. चेन्नईतील वैद्यकीय पथक त्याच्यावर नजर ठेवत आहे. लवकरच तो संघात परतेल असा आम्हाला विश्वास आहे.”
भारतीय संघाच्या तयारीबद्दल बोलताना विक्रम राठौर म्हणाले, “फक्त कामगिरीवर लक्ष केंद्रित करायचे आहे. हाच आमचा सर्व खेळाडूंना संदेश असून त्यांनी त्यांचा खेळ योग्य प्रकारे खेळायचा पाहिजे. टीम इंडिया हा एक मजबूत संघ आहे जो योग्य निकाल देईल.” सराव सत्रानंतर पत्रकारांशी संवाद साधताना त्यांनी ही माहिती दिली.
दुसऱ्या क्रमांकावर खेळणाऱ्या इशान किशनबाबत उपस्थित होणाऱ्या प्रश्नांना उत्तर देताना विक्रम राठोड म्हणाले, “हा फॉरमॅट कसा खेळायचा हे प्रत्येकाला माहीत आहे. संघातील प्रत्येकाला स्वातंत्र्य देत आहोत, प्रत्येकाची खेळण्याची पद्धत वेगळी आहे, त्यावर विश्वास ठेवावा लागेल. कर्णधार, प्रशिक्षक खेळपट्टी बघून निर्णय घेतील. यावर कोणतीही चर्चा नाही. इशानने भूतकाळात त्याच्या फलंदाजीबाबत खुलासा केला आहे, यावर मला विशेष चर्चा करायची नाही. तो टॉप ऑर्डरवर फलंदाजी करू शकतो. आशा आहे की तो आणखी चांगली फलंदाजी करेल.”
विश्वचषकातील कामगिरी
दुसरीकडे, विश्वचषकातील उभय संघाची कामगिरी पाहायची झाली, तर भारताने पहिल्या सामन्यात ऑस्ट्रेलियाचा सामना केला होता. हा सामना भारताने ६ विकेट्सने जिंकला. विशेष म्हणजे, भारताचा स्टार सलामीवीर शुबमन गिल आजारी असल्याने त्याला या सामन्यात खेळता आले नव्हते. तसेच, तो अफगाणिस्तानविरुद्धही खेळताना दिसणार नाहीये. अशात इशान किशनला संधी मिळण्याची शक्यता आहे. दुसरीकडे, अफगाणिस्तानने आपला पहिला सामना बांगलादेशविरुद्ध झाला होता. हा सामना बांगलादेशने ६ विकेट्सने जिंकला होता.
खेळपट्टी आणि हवामान
दिल्लीचे अरुण जेटली स्टेडिअम फलंदाजीसाठी अनुकूल खेळपट्टी, लहान मैदाना आणि फलंदाजांसाठी वेगवान आऊटफील्डसाठी प्रसिद्ध आहे. सुरुवातीला वेगवान गोलंदाजांना मदत मिळू शकते. तसेच, मधल्या षटकात फिरकीपटू वर्चस्व गाजवू शकतात. विश्वचषकातील मागील सामन्यात या मैदानावर दोन डावातील मिळून ७००हून अधिक धावांचा पाऊस पडला होता. दक्षिण आफ्रिकेने ४२८ धावा केल्या होत्या, तर श्रीलंकेने ३२६ धावा केल्या होत्या. अशात या सामन्यातही मोठी धावसंख्या उभारली जाण्याची आशा आहे. दवांमुळे कर्णधार नाणेफेक जिंकत गोलंदाजी करण्याच्या निर्णयाला पसंती दर्शवतात. हवामानाविषयी बोलायचं झालं, तर वेदरकॉमच्या रिपोर्टनुसार दिल्लीत बुधवारी कमाल तापमान ३५ अंश सेल्सियस आणि किमान तापमान २२ अंश सेल्सियस असेल. संपूर्ण सामन्यादरम्यान पावसाची कोणतीही शक्यता नाहीये. मात्र, आकाशात ढग दाटण्याची शक्यता वर्तवली जात आहे.
विश्वचषकासाठी उभय संघ
भारत: रोहित शर्मा (कर्णधार), शुबमन गिल इशान किशन, विराट कोहली, श्रेयस अय्यर, के.एल. राहुल (यष्टीरक्षक), हार्दिक पांड्या, रवींद्र जडेजा, रविचंद्रन अश्विन, कुलदीप यादव, जसप्रीत बुमराह, मोहम्मद सिराज, मोहम्मद शमी, सूर्यकुमार यादव, शार्दुल ठाकूर
अफगाणिस्तान: हशमतुल्लाह शाहिदी (कर्णधार), रहमानुल्लाह गुरबाज (यष्टीरक्षक), इब्राहिम जादरान, रियाझ हसन, रहमत शाह, नजीबुल्ला जादरान, मोहम्मद नबी, इकराम अलीखिल, अजमतुल्ला उमरझाई, राशिद खान, मुजीब उर रहमान, नूर अहमद, नवीन-उल-हक, फजलहक फारुकी
