WTC Final: ऑस्ट्रेलिया सावधान! कौंटी क्रिकेट गाजवणारा खेळाडू कांगारूंना पाणी पाजण्यासाठी सज्ज

पुजाराच्या खेळीबद्दल बोलायचे झाले तर ग्लॉस्टरशायरविरुद्धच्या या सामन्यात ससेक्स संघाला प्रथम फलंदाजीचे निमंत्रण मिळाले. याचा पुरेपूर फायदा पुजाराच्या संघाने घेतला आणि पहिला डाव ४५५ धावांवर घोषित केला. यादरम्यान पुजाराने ससेक्ससाठी सर्वाधिक १५१ धावा केल्या, या डावात त्याने २३८ चेंडूंचा सामना केला आणि २० चौकारांसह २ षटकारही ठोकले. पुजाराशिवाय ससेक्सच्या एकाही फलंदाजाने शतक झळकावता आले नाही.

आणखी वाचा

Tilak Varma : ‘…मी कल्पनाही केली नव्हती’, विक्रमी शतकानंतर तिलक वर्माने देवासह ‘या’ खेळाडूचे मानले आभार

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

रोहित-सेहवागपेक्षा सर्वाधिक षटकार लगावणाऱ्या गोलंदाजाने जाहीर केली निवृत्ती, ‘हा’ कसोटी सामना अखेरचा

IND vs SA: तिलक वर्माने शतकानंतर कोणाला फ्लाईंग किस दिला? सामन्यानंतर स्वत:च सांगितलं…

Tilak Verma : तिलक वर्माने वादळी शतक झळकावत घडवला इतिहास, भारतासाठी ‘हा’ खास पराक्रम करणारा ठरला दुसरा खेळाडू

Sanju Samson : संजू सॅमसनची आयसीसी टी-२० क्रमवारीत मोठी झेप! सलग दोन सामन्यात शतक झळकावत पटकावले ‘हे’ स्थान

Team India : टीम इंडियाची ऑस्ट्रेलियामध्ये कामगिरी खूपच निराशाजनक, तब्बल ‘इतक्या’ वेळा बॉर्डर-गावस्कर ट्रॉफीत पत्करावा लागलाय पराभव

AUS vs PAK : पाकिस्तानने २२ वर्षांनंतर ऑस्ट्रेलियात फडकावला झेंडा, वर्ल्ड चॅम्पियन संघाला घरच्या मैदानावर पाजलं पाणी

भारतीय क्रिकेट संघाचा अनुभवी फलंदाज चेतेश्वर पुजाराने ससेक्ससाठी प्रथम फलंदाजी करताना सामन्याच्या तिसऱ्या दिवशी १९१ चेंडूत शतक पूर्ण केले. या महिन्याच्या सुरुवातीला पुजाराने ससेक्सकडून होव्ह येथे डरहमविरुद्ध त्याच्या पूर्णवेळ कर्णधारपदाच्या पदार्पणात ११५ धावा केल्या. या शतकासह पुजाराने वसीम जाफरला मागे टाकले आहे, ज्याची ५७ प्रथम श्रेणी शतके आहेत. प्रथम श्रेणीतील सर्वाधिक शतके करणारा तो पाचवा भारतीय खेळाडू ठरला आहे. या यादीत सचिन तेंडुलकर (८१), सुनील गावसकर (८१), राहुल द्रविड (६८) आणि विजय हजारे (६०) पुजाराच्या पुढे आहेत.

ससेक्सविरुद्धच्या सामन्यात ग्लॉस्टरशायर संघ पहिल्या डावात सर्वबाद होण्यापासून एक विकेट दूर आहे. तिसर्‍या दिवसाचा खेळ संपला तेव्हा ग्लॉस्टरशायरने ९ बाद १९८ धावा केल्या होत्या. ग्लॉस्टरशायर अजूनही ससेक्सपेक्षा २५७ धावांनी मागे आहे. पुजाराचे हे प्रथम श्रेणी क्रिकेटमधील ५८वे शतक आहे, त्याने आतापर्यंत ५१.६१च्या अप्रतिम सरासरीने १८८३९ धावा केल्या आहेत.

दुसरीकडे, त्याच्या कौंटी कारकिर्दीबद्दल बोलताना, पुजाराने या हंगामात ससेक्ससाठी ३२२ धावा केल्या आहेत, तर मागील हंगाम देखील त्याच्यासाठी खूप चांगला होता. आतापर्यंत या भारतीय फलंदाजाने कौंटी क्रिकेटमध्ये खेळल्या गेलेल्या ११ सामन्यांमध्ये ७ शतके ठोकली आहेत. त्याच्या मागील हंगामाबद्दल बोलायचे तर पुजाराने ८ सामन्यात १०९४ धावा केल्या ज्यात ३ द्विशतकांचा समावेश आहे. त्या काळात पुजाराची सरासरी १०९ पेक्षा जास्त होती जी अविश्वसनीय अशी आहे.

हेही वाचा: DC vs SRH: अरे हे क्रिकेट आहे की कुस्तीचा आखाडा! दिल्ली कॅपिटल्सचे पानिपत होताच चाहत्यांनी असे काही केले की…, Video व्हायरल

भारतीय संघाचा स्टार फलंदाज चेतेश्वर पुजारा जूनमध्ये होणाऱ्या वर्ल्ड टेस्ट चॅम्पियनशिप फायनलपूर्वी जबरदस्त फॉर्ममध्ये आहे. ऑस्ट्रेलियाविरुद्धच्या फायनलपूर्वी चेतेश्वर पुजारा ससेक्सकडून खेळत आहे. शनिवारी बर्मिंगहॅमच्या एजबॅस्टन स्टेडियमवर ग्लॉस्टरशायरविरुद्धच्या दुसऱ्या विभागीय कौंटी चॅम्पियनशिप सामन्यात ससेक्ससाठी तीन सामन्यांमध्ये त्याने दुसरे शतक ठोकले. यावरून त्याने एकप्रकारे कांगारूंना पाणी पाजण्यासाठी सज्ज आहे असा संदेश दिला.