कसोटी संघात संधी मिळाल्यामुळे माझा आत्मविश्वास वाढला – हनुमा विहारी

नागपुरात पार पडलेल्या इराणी करंडकाच्या लढतीत विदर्भाने शेष भारतावर पहिल्या डावातील आघाडीच्या जोरावर मात करत विजेतेपद पटकावलं. शेष भारताकडून हनुमा विहारी हा दोन्ही डावांमधला हिरो ठरला. सलग दोन डावांत शतकी खेळी करत हनुमा विहारीने आपल्या संघाकडून चांगली लढत दिली. या खेळीमुळे इराणी करंडकात सलग 3 डावांमध्ये शतक झळकावणारा हनुमा विहारी पहिला फलंदाज ठरला आहे. सामना संपल्यानंतर हनुमा विहारीने आपल्या भारतीय संघातील अनुभवामुळे आपण ही खेळी करु शकलो असं म्हणलं आहे.