Ben Stokes congratulated the Australian team : अहमदाबादच्या नरेंद्र मोदी स्टेडियमवर १९ नोव्हेंबर रोजी झालेल्या विश्वचषकाच्या अंतिम सामन्यात ऑस्ट्रेलियाने भारतावर ६ गडी राखून विजय मिळवला. या सामन्यात टीम इंडियाने नाणेफेक गमावून प्रथम फलंदाजी करताना २४० धावा केल्या होत्या. प्रत्युत्तरात ऑस्ट्रेलिया संघाने ट्रॅव्हिस हेडने झळकवलेल्या शतकाच्या जोरावर २४१ धावा करत विजय मिळवला. या विजयांतर इंग्लंड क्रिकेट संघाचा कसोटी कर्णधार बेन स्टोक्सने आयसीसी क्रिकेट विश्वचषक २०२३ ची ट्रॉफी जिंकल्यानंतर ऑस्ट्रेलियन क्रिकेट संघाचे अनोख्या पद्धतीने अभिनंदन केले आहे.

एकदिवसीय विश्वचषकातील इंग्लंडच्या कामगिरीबद्दल बोलायचे झाले, तर ही स्पर्धा गतविजेत्यासाठी वाईट स्वप्नापेक्षा कमी नव्हती. संघाने खेळलेल्या ९ पैकी केवळ ३ सामने जिंकले, तर ६ सामन्यात त्यांना पराभवाचा सामना करावा लागला. मात्र, ऑस्ट्रेलिया सहाव्यांदा विश्वचषकावर नाव कोरण्यात यशस्वी झाला आहे. आता या विजयाबद्दल बेन स्टोक्सने खास पद्धतीने ऑस्ट्रेलियाचे अभिनंदन केले आहे.

आणखी वाचा
D Gukesh Raj Thackeray
Raj Thackeray : जगज्जेता डी गुकेशसाठी राज ठाकरेंची खास पोस्ट; म्हणाले, “बुद्धिबळाचा हा खेळ…”
Madhuri Dixit Refused Darr Offer Do You Know The Reason?
Madhuri Dixit : डर चित्रपट माधुरी दीक्षितने का…
Rohit Sharma Furious on Yashasvi Jaiswal Team Bus Leaves Without Him due to Indiscipline of India Opener
IND vs AUS: रोहित शर्मा यशस्वीवर वैतागला, जैस्वालला हॉटेलमध्येच सोडून गेली टीम बस; नेमकं काय घडलं?
Rahul narvekar
विरोधी पक्षनेतेपदासाठी अद्याप अर्जच नाही, विधानसभा अध्यक्ष राहुल नार्वेकर यांचे स्पष्टीकरण
George Linde Misses Team Bus But leads South Africa to Thrilling Win by Career Best All Rounder Performance SA vs PAK
PAK vs SA: आधी टीम बस चुकली, नंतर पोलिसांच्या गाडीतून पोहोचला मैदानात अन् पाकिस्तानला नमवत जिंकला सामनावीराचा पुरस्कार
constitution of india credit loksatta
चतु:सूत्र : संविधाननिर्मितीचे श्रेय कोणाला?
hitendra thakur slams bjp for marathon
मॅरेथॉन घेण्याची ताकद आहे का? राजकारण करणार्‍या भाजपला हितेंद्र ठाकूरांचा सवाल
Sharad Pawar asserts that distrust in the electoral system should be removed print politics news
मारकडवाडीवरून कलगीतुरा, निवडणूक यंत्रणेबद्दल अविश्वास दूर करा; शरद पवारांचे मारकरवाडीत प्रतिपादन

ऑस्ट्रेलियाच्या विजयानंतर बेन स्टोक्सने आपल्या अधिकृत एक्स अकाऊंटवर एक पोस्ट शेअर केली आहे. त्यामध्ये बेन स्टोक्स म्हणाला, “हे टाईप करायला मला थोडा वेळ लागला. विश्वचषक जिंकल्याबद्दल पॅट कमिन्स आणि त्याच्या ऑस्ट्रेलिया संघाचे अभिनंदन, ८ आठवड्यांच्या कठीण कालावधीनंतर शेवटी ट्रॉफी जिंकण्यापेक्षा दुसरे काहीही खास नाही.”

सामन्याबद्दल बोलायचे तर, ऑस्ट्रेलियाचा कर्णधार पॅट कमिन्सने नाणेफेक जिंकून गोलंदाजी करण्याचा निर्णय घेतला होता. तसेच प्रथम फलंदाजी करायला उतरलेला भारतीय संघ ५० षटकांत २४० धावांवर गारद झाला. प्रत्युत्तरात ऑस्ट्रेलियाने ४३ षटकांत ४ विकेट गमावत २४१ धावा करत सामना जिंकला. कांगारू संघासाठी ट्रॅव्हिस हेडने सर्वाधिक १३७ धावांची मॅचविनिंग इनिंग खेळली. मार्नस लाबुशेनने नाबाद ५८ धावा केल्या.

हेही वाचा – IND vs AUS Final: “अतिआत्मविश्वास तुम्हाला…”, टीम इंडियाच्या पराभवानंतर शाहिद आफ्रिदीचा ‘तो’ VIDEO व्हायरल

तत्पूर्वी, भारताकडून केएल राहुलने सर्वाधिक ६६ आणि विराट कोहलीने ५४ धावा केल्या. कर्णधार रोहित शर्माने ४७ आणि सूर्यकुमार यादवने १८ धावा केल्या. कुलदीप यादवने १० धावांचे योगदान दिले. या पाच खेळाडूंशिवाय इतर कोणीही दुहेरी आकडा गाठू शकला नाही. त्याचबरोबर भारताचे तिसऱ्यांदा ट्रॉफी जिंकण्याचे स्वप्न भंगले. या स्पर्धेत सलग १० सामने जिंकले होते, मात्र ११व्या सामन्यात संघ मागे पडला. भारताला दुसऱ्यांदा ऑस्ट्रेलियाविरुद्धच्या फायनलमध्ये पराभवाला सामोरे जावे लागले आहे. रिकी पाँटिंगच्या नेतृत्वाखालील ऑस्ट्रेलिया संघाने शेवटचा पराभव २००३ मध्ये केला होता.

Story img Loader