भारत पेट्रोलियम, शिवशक्तीला जेतेपद

सन्मित्र मंडळ आयोजित राज्यस्तरीय कबड्डी स्पर्धेत भारत पेट्रोलियमने व्यावसायिक गटाचे तर शिवशक्तीने महिला गटाचे जेतेपद पटकावले. देवगड येथील इंदिराबाई ठाकूर कला-क्रीडा नगरीत झालेल्या पुरुषांच्या अंतिम सामन्यात भारत पेट्रोलियमने महिंद्राचा २६-८ असा सहज पराभव केला. महिंद्राने सातव्या मिनिटालाच महिंद्रावर लोण देत ११-३ अशी आघाडी घेतली. मध्यंतरानंतर पेट्रोलियमच्या सूरजीत सिंगने एकाच चढाईत महिंद्राचे तीन गडी टिपले.
मध्यंतरानंतर दुसरा लोण चढवत भारत पेट्रोलियमने २२-७ अशी आघाडी घेतली आणि सामना १७ गुणांनी आरामात जिंकला.
महिलांच्या अंतिम सामन्यात मुंबईच्या शिवशक्तीने सुवर्णयुगला १२-९ असे हरवत जेतेपदावर नाव कोरले. बलाढय़ शिवशक्तीला सुवर्णयुगच्या उदयोन्मुख खेळाडूंनी चांगली लढत दिली. सुवर्णा बारटक्केचा अष्टपैलू खेळ तसेच तिला लाभलेली तेजस्विनी शिंदेची साथ यामुळे शिवशक्तीने मध्यंतराला ७-६ अशी आघाडी घेतली होती.
उत्तरार्धात संयमी खेळ करत त्यांनी ३ गुणांनी विजय मिळवला. भारत पेट्रोलियमचा सूरजित सिंग पुरुषांत तर सुवर्णयुगची ईश्वरी कोंडाळकर महिलांमध्ये सर्वोत्तम खेळाडू ठरले.