दुबई टेनिस स्पर्धा : भूपती-लॉड्रा अंतिम फेरीत

महेश भूपतीने फ्रेंच साथीदार मायकेल लॉड्राच्या साथीने खेळताना दुबई टेनिस अजिंक्यपद स्पर्धेच्या अंतिम फेरीत धडक मारली. भारताचा रोहना बोपण्णा आणि अमेरिकेच्या राजीव राम जोडीला ६-४, ६-७ (२), १०-५ असे नमवत भूपती-लोइड्रा जोडीने अंतिम फेरी गाठली.
दुसऱ्या सेटमध्ये विजयाच्या दिशेने सहज आगेकूच करणाऱ्या भूपती-लॉड्रा जोडीला बोपण्णा-राम जोडीचा प्रतिकार सहन करावा लागला. या जोडीने सामना सुपर टायब्रेकरमध्ये नेत मुकाबला चुरशीचा बनवला. मात्र अखेर भूपती-लोइड्रा जोडीने सरशी साधली.यंदाच्या हंगामातली महेश भूपतीची ही सर्वोत्तम कामगिरी आहे. चेन्नई खुल्या स्पर्धेत त्याला उपउपांत्यपूर्व फेरीतच पराभवाला सामोरे जावे लागले होते.  अंतिम फेरीत या जोडीची लढत रॉबर्ट लिंडस्टेडट आणि नेनाद झिम्नोझिक जोडीशी होणार आहे.