कोपा अमेरिका फुटबॉल स्पर्धा : पॅराग्वेला हरवून ब्राझील उपांत्य फेरीत

२०११ आणि २०१५मध्ये ब्राझीलला पॅराग्वेकडूनच उपांत्यपूर्व फेरीत पराभूत व्हावे लागले होते.मात्र यावेळी ब्राझीलने या दोन्ही पराभवांचा वचपा काढला. पेनल्टी-शूटआऊटमध्ये ब्राझीलकडून विलियन, मार्किन्होस, फिलिपे कुटिन्हो आणि गॅब्रियल यांनी गोल केले तर रॉबेटरे फिरमिनोची संधी हुकली. पॅराग्वेकडून गुस्ताव्हो गोमेझ आणि डेर्लिस गोंझालेझ यांची स्पॉट-किक हुकल्यामुळे त्यांना पराभवाचा सामना करावा लागला तर मिग्युएल अल्मिरॉन, ब्रूनो वाल्डेझ, हुआन रॉड्रिगो रोजास यांनी गोल केले होते.