सट्टे पे सट्टा : ब्राझीलच सरस..

Look who’s playing centre-Barack! World Cup mug
World Cup mug , Barack Obama, Brazil, footbal world cup 2014, Loksatta, Loksatta news, Marathi, Marathi  
कप-शप : .. आणि बराक ओबामा कपवर अवतरले!

माणसाकडून कशी आणि कधी चूक होईल, हे सांगता येत नाही. फिफा विश्वचषकाचे साहित्य पुरवण्याची जबाबदारी ‘डोरसेट’ या कंपनीला देण्यात आली होती. कॉफीच्या कपवर फोटो छापण्यासाठी इंग्लंडच्या तीन खेळाडूंचे फोटो त्यांना देण्यात आले होते. खेळाडूंचा चेहरा कापून तो कपवर चिकटवायचा होता. कपवर फोटो छापून तयार झाले. पण या सर्व साहित्याचे निरीक्षण करत असताना धक्कादायक माहिती समोर आली. कपवर अमेरिकेचे राष्ट्राध्यक्ष बराक ओबामा यांचा फोटो असल्याचे त्यांच्या निदर्शनास आले. ख्रिस स्मॉलिंगचा फोटो छापण्याऐवजी तब्बल २००० कपवर बराक ओबामा यांचा फोटो झळकला होता. त्यानंतर बराच वादंग माजला होता. पण आजही हा कप एक युरोला विकत मिळत आहे. ज्या चुकीमुळे बराक ओबामा यांचा फोटो छापला गेला, तशीच कामगिरी इंग्लंडची या स्पर्धेत झाली, अशी चर्चा सध्या रंगत आहे.

शूट आऊट : युद्ध अमुचे सुरू..
सध्या ब्राझीलच्या रणांगणावर ३२ संघांमध्ये युद्ध रंगले आहे. त्यापैकी पहिल्या फेरीच्या युद्धात विजय मिळवणाऱ्या १६ संघांसाठी जेतेपदाच्या प्रवासापर्यंत युद्धाला सामोरे जावे लागणार आहे. ‘अ’ गटात क्रोएशिया, कॅमेरूनवर मात करून ब्राझीलविरुद्धचा सामना बरोबरीत सोडवणाऱ्या मेक्सिकोने दुसरी फेरी गाठली आहे. मेक्सिकोच्या संस्कृतीची झलक दाखवणाऱ्या या चाहत्यांनी ढालीवर फुटबॉलचे चित्र रंगवले असून ‘युद्ध अमुचे सुरू’ हेच ते दर्शवित आहेत.

गोलमीटर
सर्वाधिक गोल करणारे खेळाडू
खेळाडू                    देश            गोल
नेयमार                राझील            ४
करिम बेंझेमा       फ्रान्स             ३
थॉमस म्युलर       जर्मनी            ३
आर्येन रॉबेन       नेदरलँड्स         ३
इनेर व्हॅलेंसिया    इक्वेडोर           ३
रॉबिन व्हॅन पर्सी   नेदरलँड्स       ३