ब्रिस्बेनला होणार ऑलिम्पिक स्पर्धा, ३२ वर्षानंतर ऑस्ट्रेलियाला मिळालं यजमानपद

ऑस्ट्रेलियाचे पंतप्रधान स्कॉट मॉरिसन यांनी व्हिडिओ कॉन्फरन्समध्ये सांगितले, ”आमच्या सरकारला अभिमान आहे की आम्हाला ब्रिस्बेन आणि क्वीन्सलँड येथे या स्पर्धांचे आयोजन करण्याची संधी मिळाली आहे. ऑस्ट्रेलिया आणि क्वीन्सलँडची सरकारे या स्पर्धेचे आयोजन करण्यासाठी आर्थिकदृष्ट्या सज्ज आहेत. आम्ही खेळ उत्कृष्ट पद्धतीने आयोजित करू. ऑलिम्पिक खेळांचे आयोजन कसे केले जाते हे आम्हाला माहीत आहे.”

२०२४ मधील ऑलिम्पिक स्पर्धा पॅरिसमध्ये आणि २०२८ मधील ऑलिम्पिक स्पर्धा लॉस एंजेलिस येथे होणार आहेत. ब्रिस्बेन नवीन बिडिंग सिस्टमचा पहिला विजेता आहे. नवीन नियमांनुसार, आयओसी ऑलिम्पिक खेळांचे आयोजन करण्यासाठी काही बळकट देशांची निवड करते. त्यानंतर मतदानासह यजमान देश निवडला जातो.

हेही वाचा – “हारकर जितने वाले को…”, दीपक चहरच्या कामगिरीवर क्रिकेटपटूंनी दिल्या जबरदस्त प्रतिक्रिया

ब्रिस्बेन यजमान म्हणून घोषित होताच ऑस्ट्रेलियामध्ये बर्‍याच ठिकाणी फटाके फोडण्यास आले.