‘गरज पडल्यास केव्हाही फोन कर’, रोहित शर्माने ‘या’ खेळाडूला दिलं मदतीचं आश्वासन

एक कर्णधार म्हणून आयपीएलचा पंधरावा हंगाम रोहितसाठी वाईट तर ठरलाच शिवाय एक खेळाडू म्हणूनही तो चांगली कामगिरी करू शकला नाही. संघाचा कर्णधार आणि वरिष्ठ खेळाडू म्हणून त्याला आपल्या लौकिकाला साजेसा खेळ करता आला नाही. असे असले तरी तो आपल्या संघातील खेळाडूंच्या कायम पाठीशी उभा असल्याचे दिसते. ही गोष्ट मुंबई इंडियन्सच्या सोशल मीडिया हँडलवरील एक व्हिडिओतून सिद्ध होते. मुंबईने आपल्या ट्विटर हँडलवर एक व्हिडिओ पोस्ट केला आहे. ज्यामध्ये सर्व खेळाडू घराकडे परतताना दिसत आहेत. व्हिडिओमध्ये रोहित शर्मा आणि संघातील अष्टपैलू खेळाडू रमणदीप सिंग यांचा काही सेकंदांचा संवादही दाखवण्यात आला आहे. या संवादादरम्यान, कर्णधार रोहित शर्मा रमणदीपला संपर्कात राहण्यास सांगतो आहे. शिवाय त्याला कोणत्याही प्रकारच्या मदतीची गरज पडली तर लगेच फोन करण्यास सांगतो आहे. सोशल मीडिया वापरकर्त्यांनी रोहित शर्माच्या या कृतीचे कौतुक केले आहे.

आणखी वाचा

Harshit Rana Concussion : फलंदाजाच्या जागी गोलंदाज कसा येऊ शकतो? भारताच्या विजयानंतर कनक्शन सबस्टिट्यूटवरुन पेटला वाद

Economic Survey: आर्थिक सर्वेक्षण अहवाल सांगतोय २०२५ हे…

डोंबिवलीच्या श्रेयस गुरव यांची मुंबई रणजी संघात निवड

सांगली : मिरजेतील सतारीला आता टपाल तिकिटावर स्थान

Manoj Tiwary : ‘तो जॅक लावून आला आणि तू पण…’, गंभीरने गांगुलीबद्दल केलं होतं वादग्रस्त वक्तव्य; मनोज तिवारीचा खुलासा

शरद पवार यांनी एनडीएमध्ये यावे – रामदास आठवले यांचे आवाहन

रात्री ९ वाजता झोपतो, अक्षय कुमारची कबुली; पाहुणे जेवत असताना निघून गेल्याच्या विवेक ओबेरॉयच्या वक्तव्याबद्दल म्हणाला…

जनतेच्या मनातील पालकमंत्री मीच – हसन मुश्रीफ

मूळचा चंडीगडचा असलेला रमणदीप सिंग हा एक अष्टपैलू खेळाडू आहे. आयपीएल २०२२ च्या लिलावामध्ये त्याला मुंबई इंडियन्सनं २० लाख रुपये किंमत देऊन खरेदी केले होते. तेव्हापासून तो मुंबईच्या संघामध्ये आहे. यावर्षीच्या हंगामामध्ये त्याला चार सामने खेळण्याची संधी मिळाली. ज्यामध्ये त्याने चार बळी घेत ३४ धावांचे योगदान दिले आहे. सनरायझर्स हैदराबादविरुद्ध ३० धावांत तीन बळी, ही त्याची स्पर्धेतील सर्वोत्तम कामगिरी ठरली.