Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

सलग दोन वर्ष रणजी आणि इराणी चषकावर नाव कोरत विदर्भाच्या संघाने इतिहासात आपलं नाव कोरलं आहे.

बक्षिसातून मिळणारी रक्कम शहिदांच्या कुटुंबियांना देणार – फैज फजल

विदर्भाच्या संघाने सलग दुसऱ्या वर्षी इराणी चषकावर नाव कोरले आहे. वासिम जाफर आणि उमेश यादव यांच्या अनुपस्थितीत युवा विदर्भाच्या संघाने इतिहास रचला आहे. विजयानंतर बोलताना विदर्भ संघाचा कर्णधार फैज फजलने सर्वांची मने जिंकली आहेत. बक्षिसातून मिळणार सर्व रक्क पुलवामा येथे शहीद झालेल्या कुटुंबियांना देणार असल्याचे फैजने सांगितले. फैजच्या या वक्तव्यानंतर मैदानावर उभा असलेल्या प्रत्येकाने टाळी वाजवून त्याच्या निर्णयाचे स्वागत केले आहे. गुरुवारी पुलवामा येथे दहशतवाद्यानी केलेल्या भ्याड हल्यात ४० सीआरपीएफच्या जवान शहीद झाले होते. जवानाप्रति आपली भावना व्यक्त करताना फैज भावूक झाला होता.

सलग दोन वर्ष रणजी आणि इराणी चषकावर नाव कोरत विदर्भाच्या संघाने इतिहासात आपलं नाव कोरलं आहे. विदर्भ आणि शेष भारत यांच्यात झालेला आंतिम सामना अनिर्णित झाला. शेष भारताने दिलेलं २८० धावांचं आव्हान विदर्भाच्या फलंदाजांनी संयमीपणे फलंदाजी करत पूर्ण करत आणलं होतं. मात्र दुसऱ्या डावात गणेश सतीश बाद झाल्यानंतर दोन्ही कर्णधारांनी एकमताने सामना थांबवण्याचा निर्णय केला, यानंतर विदर्भाने पहिल्या डावातील आघाडीच्या जोरावर सामन्यात विजय मिळवला. विदर्भाचं हे इराणी करंडकाचं सलग दुसरं विजेतेपद ठरलं आहे. काही दिवसांपूर्वी विदर्भाने रणजी करंडकाच्या अंतिम फेरीत सौराष्ट्रावर मात करत सलग दुसऱ्यांना रणजी करंडक पटकावण्याचा बहुमान मिळवला होता.

इराणी चषकाच्या विजयाची रक्कम आपण पुलवामात शहीद झालेल्या सीआरपीएफ जवानांच्या कुटुंबियाच्या निधीला देत असल्याची घोषणा फैझनं केल्याचा व्हिडीओ बीसीसीआय डोमेस्टिकच्या ट्विटर खात्यावर टाकण्यात आला आहे. त्याच्या या घोषणेनं भारतीय नागरिकांची मनंही जिंकून दिली.

Vidarbha are proving why they are champions on an off the field. The #IraniTrophy winners led by @faizfazal have decided to hand over their prize money to family members of martyrs of #PulwamaTerroristAttack. pic.twitter.com/Rh6i44nXrI
— BCCI Domestic (@BCCIdomestic) February 16, 2019

फैजवर सोशल मीडियावर कौतुकाचा वर्षाव होत आहे. नेटीझन्स फैजच्या निर्णयाचे स्वागत करत आहेत.

Captain @faizfazal dedicates prize money to the #Pulwama martyrs families. Respect team #Vidarbha ! Alongside #IraniCup you also won millions of hearts!!@BCCIdomestic
— ManishKinhikar (@iam_manishk) February 16, 2019

Respect for @faizfazal and team @vca_tweets as they decided to give the prize money of #IraniCup to the #Martyrs of #PulwamaAttack #PulwamaTerrorAttack #PULWAMA #Pulwama @cricketaakash @VVSLaxman281 @bhogleharsha @ruchirmishraTOI @SuhasNayseTOI @TOI_Nagpur @NagpurPolice @y_umesh
— Shubham Gupta (@shooobham) February 16, 2019

First published on: 16-02-2019 at 16:18 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Captain faizfazal dedicates prize money to the pulwama martyrs families

बक्षिसातून मिळणारी रक्कम शहिदांच्या कुटुंबियांना देणार – फैज फजल

सलग दोन वर्ष रणजी आणि इराणी चषकावर नाव कोरत विदर्भाच्या संघाने इतिहासात आपलं नाव कोरलं आहे.