मांसाहार सोडल्यामुळे माझ्या खेळात सुधारणा – विराट कोहली

मैदानात खोऱ्याने धावा काढणारा भारतीय संघाचा कर्णधार विराट कोहली, हा आपल्या फिटनेसबद्दल तितकाच काटेकोर आहे. जगातील सगळ्यात फिट खेळाडूमध्ये विराटचं नाव सर्वात पुढे असेल. जिममध्ये बराच वेळ घाम गाळण्याबरोबरच कोहली त्याच्या डाएटवरही योग्य प्रकारे काम करतो. विराट कोहली हा अस्सल खवय्यांपैकी एक आहे. पण फिटनेससाठी विराटने अंडी-चिकन बिर्याणी खाणं सोडलेय. विराट कोहलीने शुद्ध शाकाहारी बनण्याचा निर्णय घेतलाय. आपल्या फिटनेसकडे लक्ष देत विराट हेल्दी लाईफस्टाईलचे सगळे नियम पाळतोय.