Champions Trophy 2017: असा रंगणार ‘चॅम्पियन्स’चा खेळ, नव्या नियमावलीवर एक नजर

साखळी सामन्यात प्रत्येक सामन्यात विजयी संघाला दोन गुण दिले जातील. पण, सामना टाय झाला किंवा अन्य कोणत्याही कारणास्तव सामना रद्द झाला तर दोन्ही संघाना प्रत्येकी एक गुण देण्यात येईल. त्यावरुन बाद फेरीतील चार संघाच्या नावावर शिक्कामोर्तब होईल. बाद फेरीत ‘अ’ गटातील अव्वल संघ ‘ब’ गटातील दुसऱ्या स्थानावर असणाऱ्या संघाशी सामना खेळेल. तर या उलट तर ‘ब’ गटातील अव्वल संघ ‘अ’ गटातील दुसऱ्या स्थानावर असणाऱ्या संघाशी चारहात करेल. यात विजयी मिळवणाऱ्या दोन संघांना अंतिम सामन्याचे तिकीट मिळेल.

उपांत्य फेरीतील सामन्यासाठी टाय झालेल्या सामन्याचा निकालासाठी सुपर ओव्हर्सचा वापर करण्यात येणार आहे. तसेच अंतिम सामन्यात कोणत्याही कारणामुळे सामना पूर्ण होऊ शकला नाही, तर संयुक्तरित्या विजेतपद दिले जाईल. या आठ संघातील कोणता संघ चॅम्पियन ठरेल, याबाबत क्रिकेट चाहत्यांमध्ये उत्सुकता आहे. २०१३ मध्ये रंगलेल्या चॅम्पियन्स करंडक स्पर्धेत भारताने विजेतेपद पटकावले होते. त्यामुळे विराटच्या नेतृत्वाखाली भारतीय संघ गतवर्षीची पुनरावृत्ती करेल का? हे पाहणे देखील उत्सुकतेचे आहे.