Prize Money Announced for ICC Men’s Champions Trophy 2025: आयसीसी चॅम्पियन्स ट्रॉफी ही स्पर्धा तब्बल ८ वर्षांनंतर पुन्हा खेळवली जात आहे. २०१७ नंतर प्रथमच आयसीसी चॅम्पियन्स ट्रॉफीचे आयोजन करण्यात आले आहे. येत्या १९ फेब्रुवारीपासून चॅम्पियन्स ट्रॉपी २०२५ ला सुरूवात होणार आहे. या स्पर्धेचे यजमानपद पाकिस्तानकडे आहे. यासह १९९६ नंतर प्रथमच पाकिस्तानला आयसीसी स्पर्धेचे यजमानपद मिळाले आहे. तर भारताचे सर्व सामने हे दुबईमध्ये होणार आहेत. दरम्यान आयसीसीने चॅम्पियन्स ट्रॉफीसाठी बक्षिसाची रक्कम जाहीर केली आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

आयसीसी चॅम्पियन्स ट्रॉफीच्या संपूर्ण बक्षिसाची एकूण रक्कम ही तब्बल ६.९ मिलियन डॉलर्स म्हणजेच भारतीय चलनानुसार ५९ कोटी इतकी आहे. ही रक्कम २०१७ च्या आयसीसी चॅम्पियन्स ट्रॉफीच्या एकूण बक्षिसाच्या रकमेपेक्षा ५३ टक्केने वाढवली आहे.

आयसीसी चॅम्पियन्स ट्रॉफी २०२५ च्या विजेत्या संघाला २.२४ मिलियन म्हणजेच १९ कोटी ४५ लाख इतकी रक्कम मिळणार आहे. उपविजेत्या संघाला १.१२ मिलियन म्हणजेच ९.७२ कोटी मिळणार आहेत. आयसीसी चॅम्पियन्स ट्रॉफी २०२५ च्या विजेत्या संघाला २.२४ मिलियन म्हणजेच १९ कोटी ४५ लाख इतकी रक्कम मिळणार आहे. उपविजेत्या संघाला १.१२ मिलियन म्हणजेच ९.७२ कोटी मिळणार आहेत. तर उपांत्य फेरीतील प्रत्येक पराभूत झालेल्याला ५.६० मिलियन म्हणजेच ४.८६ कोटी रक्कम मिळेल.

हेही वाचा

चॅम्पियन्स ट्रॉफी दरम्यान, प्रत्येक सामना महत्त्वाचा असणार आहे, कारण प्रत्येक गट टप्प्यातील सामना विजयाची किंमत रु. २९.५ लाख रूपये असेल. पाचव्या किंवा सहाव्या स्थानावर असलेल्या संघांना ३.०४ कोटी रूपये मिळतील. तर सातव्या आणि आठव्या क्रमांकावरील बाजू संघाला १.२१ कोटी बक्षिस रक्कम मिळेल. सर्व आठ संघांना आयसीसी स्पर्धेत सहभागी झाल्याबद्दल १२५,००० मिलियन म्हणजे १.०८ कोटी रूपये मिळतील.

हेही वाचा

आयसीसी स्पर्धेत ८ संघ सहभागी होणार आहेत. या ८ संघांची दोन गटात विभागणी केली आहे. तर प्रत्येक गटातील टॉप-२ संघ उपांत्य फेरीसाठी पात्र ठरतील. आयसीसी चॅम्पियन्स ट्रॉफी स्पर्धेचे आयोजन दर ४ वर्षांनी केले जाते. ज्यामध्ये जगातील ८ उत्कृष्ट वनडे संघ सहभागी होतात. अफगाणिस्तानचा संघ प्रथमच यंदा चॅम्पियन्स ट्रॉफी खेळताना दिसणार आहे.

हेही वाचा

चॅम्पियन्स ट्रॉफी २०२५ मध्ये भारत, पाकिस्तान, न्यूझीलंड, बांगलादेश हे संघ अ गटात आहेत. तर ऑस्ट्रेलिया, इंग्लंड, दक्षिण आफ्रिका आणि अफगाणिस्तान हे संघ ब गटात आहेत.