चांद्रयान २ च्या मुद्द्यावरून हरभजनचा पाकला टोला, म्हणाला…

संपूर्ण भारताला अभिमान वाटावा अशा ‘चांद्रयान २’चे श्रीहरीकोटा येथील अंतराळ केंद्रावरुन सोमवारी यशस्वी प्रक्षेपण करण्यात आले. दुपारी २ वाजून ४३ मिनिटांनी हे प्रक्षेपण करण्यात आले. हे यान चंद्रावर पोहचण्यासाठी चाळीस दिवसांपेक्षा जास्त कालावधी लागणार असल्याची माहिती आहे. हे यान अवकाशात झेपावणे हा फारच अभिमानाचा आणि गर्वाचा क्षण होता, त्यामुळे ते झेपावल्यानंतर अनेकांनी ट्विटरवरुन आनंद व्यक्त केला आहे. राष्ट्रपती रामनाथ कोविंद, पंतप्रधान नरेंद्र मोदी या बरोबरच अनेक दिग्गज नेत्यांनी, अभिनेत्यांनी, खेळाडूंनी आणि कलाकारांनी इस्रोवर शुभेच्छांचा वर्षाव केला आहे. जनसामान्यांनीही सोशल मीडियावरून या प्रक्षेपणाबद्दल आनंद व्यक्त केला. यात फिरकीपटू हरभजन सिंग याने केलेले ट्विट विशेष चर्चेचा विषय ठरला.