चेन्नईच्या फलंदाजीत येणार बळ, अफगाणिस्तानवरून मागवला नेट बॉलर!

अफगाणिस्तानचा वेगवान गोलंदाज फजलहक फारुकी नेट बॉलर म्हणून सीएसकेच्या गटात सामील झाला आहे. सीएसरेने फारुकीशी  एक करार केला आहे. अफगाणिस्तान क्रिकेट बोर्डानेही (एसीबी) फारूकीचे ट्विटरवर फोटो पोस्ट करत तो चेन्नईला जात असल्याचे सांगितले.

Young Fast bowler @fazalhaqfarooq6 left to India where he is roped in as a net bowler by @ChennaiIPL for the upcoming season of @IPL ! pic.twitter.com/xwaVB71pfS

— Afghanistan Cricket Board (@ACBofficials) March 24, 2021

एसीबीने आपल्या ट्विटमध्ये म्हटले आहे की, युवा वेगवान गोलंदाज फजलहक फारुकीने भारतात जाण्यासाठी देश सोडला आहे. तेथे तो आयपीएलच्या आगामी मोसमात सीएसकेचा नेट बॉलर असेल.

फारुकीने 20 मार्च रोजी झिम्बाब्वेविरुद्धच्या तिसर्‍या टी-20 सामन्यातून आंतरराष्ट्रीय क्रिकेटमध्ये पदार्पण केले. त्याने अफगाणिस्तानकडून गोलंदाजीला सुरुवात केली आणि पहिल्या षटकातील पाचव्या चेंडूवर त्याने पहिला बळी घेतला.

गुरुवारी सीएसकेचे सराव शिबिर चेन्नईहून मुंबईत हलवण्यात आले. तीन वेळा आयपीएल चॅम्पियन असलेला सीएसकेचा संघ पाच सामने मुंबईत खेळणार आहे. महेंद्रसिंह धोनीच्या नेतृत्वात हा संघ 10 एप्रिलला दिल्ली कॅपिटल्सशी, 16 एप्रिलला पंजाब किंग्जशी, 19 एप्रिलला राजस्थान रॉयल्सशी, 21 एप्रिलला कोलकाता नाइट रायडर्सशी आणि 25 एप्रिलला रॉयल चॅलेंजर्स बंगळुरूशी सामना खेळेल.