चेतेश्वर पुजाराने ‘या’ पाकिस्तानी खेळाडूला दिल्या वाढदिवसाच्या शुभेच्छा

मोहम्म रिझवान बुधवारी (१ जून) ३० वर्षांचा झाला. त्यानिमित्त पुजाराने ट्विट करून त्याला शुभेच्छा दिल्या. ‘हॅपी बर्थडे मोहम्मद रिझवान. येणारे वर्ष तुझ्यासाठी चांगले जावो’, असे ट्विट त्याने केले आहे. पुजारा आणि रिझवान दोघेही ससेक्स क्रिकेट क्लबसाठी खेळतात. दोघांमध्ये चांगली मैत्री असून त्यांच्या मैत्रीची नेहमी चर्चा असते.

मोहम्मद रिझवाननेदेखील यापूर्वी पुजाराच्या अंगी असलेला संयम आणि एकाग्रतेबद्दल त्याचे कौतुक केले होते. रिझवान म्हणाला होता की, ‘चेतेश्वर पुजारा खूप चांगली व्यक्ती आहे. त्याची एकाग्रता अतुलनीय आहे. जर एखाद्याला त्यांच्याकडून काही शिकण्याची संधी मिळाली तर नक्कीच त्यांच्याकडून शिकून घेतले पाहिजे. एकाग्रतेच्या बाबतीत मी जे तीन खेळाडू सर्वोत्तम मानतो त्यामध्ये युनूस भाई आणि फवाद आलमसह पुजाराचाही समावेश होतो. काउंटीतील सुरुवातीच्या सामन्यांमध्ये मी शरीरापासून दूर शॉट्स खेळत होतो. त्यामुळेच मी दोनदा अशाच प्रकारे आऊट झालो. त्यानंतर सरावाच्या वेळी मी पुजाराकडे गेलो. त्याने मला मार्गदर्शन केले.’

भारत-पाकिस्तानचे संघ क्रिकेटच्या मैदानावर एकमेकांचे कट्टर प्रतिस्पर्धी मानले जातात. त्यामुळे पुजारा आणि रिझवानची मैत्री चर्चेत आली आहे.