मी होते रमेश पोवारच्या नजरकैदेत; मिताली राजचा गौप्यस्फोट

ऑस्ट्रेलियाविरुद्धच्या सामन्यात भारताचा विजय झाला. भारत जिंकल्यानंतर रमेश पोवार यांनी एका खेळाडूकरवी मला मैदानात येण्यास सांगितले आणि इतर खेळाडूंबरोबर विजय साजरा करण्याचा सल्ला दिला. हा निरोप ऐकून मी भांबावून गेले. कारण संपूर्ण सामन्यात प्रसारमाध्यमांशी मी चर्चा करू नये आणि ड्रेसिंग रूममधून बाहेर पडू नये म्हणून मला नजरकैदेत ठेवण्यात आले होते, असे तिने पत्रात लिहिले आहे.

मी रमेश पोवार यांच्याशी संवाद साधायचा प्रयत्न केला. मात्र ते मला टाळण्याचा कायमच प्रयत्न करायचे. मी त्यांच्या खिजगणतीतीही नव्हते. मी आसपास असले की ते जाणूनबुजून दुसऱ्या दिशेला पाहायचे आणि माझ्याकडे पाठ फिरवायचे, असेही तिने पत्रात नमूद केले आहे. तसेच ‘काही लोकं मला संपवायला टपले आहेत’, असे सांगत मिताली हिने संघाचे प्रशिक्षक रमेश पोवार यांच्यासह प्रशासकीय समितीच्या सदस्य डायना एडलजी यांच्यावरही पदाचा गैरवापर केल्याचा आरोप केला आहे.