China Open 2018 : सिंधू, किदम्बी श्रीकांत उपांत्यपूर्व फेरीत पराभूत, भारताचं आव्हान संपुष्टात

सिंधूने चेनविरुद्ध याआधी सहापैकी चार सामने जिंकले आहेत, मात्र आजच्या सामन्यात सिंधू चेनला हरवू शकली नाही. पहिल्याच सेटमध्ये चेनने आक्रमक खेळ करत मध्यांतरापर्यंत ११-५ अशी आघाडी घेतली होती. मध्यांतरानंतर सिंधूने सामन्यात पुनरागमन करण्याचा प्रयत्न केला, मात्र तिला यामध्ये यश आलं नाही. दुसरा सेट जिंकून सिंधूने सामन्यात पुनरागमन करण्याचा प्रयत्न केला, मात्र तिसऱ्या सेटमध्ये चेनने वेळेत पुनरागमन करत सिंधूचं आव्हान मोडीत काढलं. दुसरीकडे श्रीकांत विरुद्ध मोमोटा हा सामनाही एकतर्फी झाला. संपूर्ण सामन्यात काही ठराविक मिनीटांचा खेळ सोडला तर श्रीकांत मोमोटोचा सामनाच करु शकला नाही.