CWG 2022: भारतीय पुरुष संघाची सलग चौथ्यांदा उपांत्य फेरीत धडक; हरमनप्रीत सिंगची भन्नाट कामगिरी

ऑलिंपिकपदक विजेत्या भारताने शेवटच्या साखळी सामन्यात आक्रमक सुरुवात केली. हरमनप्रीतने दोन पेनल्टी कॉर्नर गोलमध्ये रूपांतरीत करून दुसऱ्या क्वार्टरच्या हाफ टाईमला भारताला २-० अशी आघाडी मिळवून दिली. हरमनप्रीत आणि गुरजंत सिंग यांनी शेवटच्या दोन क्वार्टरमध्ये प्रत्येकी एक गोल केल्याने भारत ४-० असा आघाडीवर होता. चौथ्या क्वार्टरमध्ये वेल्स संघासाठी जेरेथ फर्लाँगने एकमेव गोल केला.

भारतीय संघाने पहिल्या सामन्यात घानाचा ११-० आणि तिसऱ्या सामन्यात कॅनडाचा ८-० असा पराभव केला होता. तर, इंग्लंडसोबतच्या सामन्यात ४-४ अशी बरोबरी साधली होती. उपांत्य फेरीचे सामने शनिवार ६ ऑगस्ट रोजी खेळवले जातील. राष्ट्रकुल स्पर्धेच्या इतिहासात भारतीय पुरुष हॉकी संघाने कधीही सुवर्णपदक जिंकलेले नाही. यावेळी मनप्रीत सिंगच्या नेतृत्वाखाली सुवर्ण जिंकण्याची सुवर्णसंधी भारताकडे आहे.

हेही वाचा – CWG 2022: बॉक्सिंग रिंगमध्ये भारतीय खेळाडूंचे जोरदार पंच; अमित पंघलसह जॅस्मीन लांबोरिया उपांत्य फेरीत दाखल

दरम्यान, भारतीय महिला हॉकी संघदेखील राष्ट्रकुल क्रीडा स्पर्धेच्या उपांत्य फेरीत पोहोचला आहे. त्यांनी त्यांच्या चौथ्या साखळी सामन्यात कॅनडाचा ३-२ असा पराभव केला. भारतीय महिला हॉकी संघ पाचव्यांदा राष्ट्रकुल स्पर्धेच्या उपांत्य फेरीत पोहोचला आहे.