CommonWealth games 2018 : राष्ट्रकुल स्पर्धेच्या भव्य उद्घाटन सोहळयाला सुरुवात

भारताकडून २२५ खेळाडूंचे पथक सहभागी होणार असून उदघाटन सोहळयाच्यावेळी पी.व्ही.सिंधू भारतीय चमूचे नेतृत्व करेल. रियो ऑलिम्पिकमध्ये सिंधूने रौप्यपदक विजेती कामगिरी केली होती. दोनवेळा ऑलिम्पिकमध्ये पदक मिळवणारा सुशील कुमार, लंडन ऑलिम्पिकमधील कांस्यपदक विजेती मेरी कोम, सायना नेहवाल आणि गगन नारंगकडूनही पदकाची अपेक्षा आहे.

ऑस्ट्रेलिया पाचव्यांदा राष्ट्रकुल स्पर्धेचे यजमानपद भूषवत आहे. गोल्ड कोस्ट व्हिलेजमध्ये खेळाडूंची उत्तम व्यवस्था करण्यात आली आहे. स्पर्धा नसताना मोकळया वेळात खेळाडूंना मन रमवता यावे यासाठी व्हर्च्युअल कॉम्प्युटर गेम्स, जलतरण तलाव, कृत्रिम धबधबे, पियानोची व्यवस्था करण्यात आली आहे.