राष्ट्रकुल नेमबाजी अजिंक्यपद स्पर्धेत भारतीयांचा डंका, महाराष्ट्राच्या पुजा घाटकरला सुवर्णपदक

भारतीय नेमबाजपटूंनी ऑस्ट्रेलियात सुरु असलेल्या राष्ट्रकुल नेमबाजी अजिंक्यपद स्पर्धेच्या दुसऱ्या दिवशी आपलं वर्चस्व कायम राखलं आहे. १० मी. एअर पिस्तुल प्रकारात भारताच्या शाहजार रिझवी, ओंकार सिंह आणि जितू राय यांनी अनुक्रमे सुवर्ण, रौप्य आणि कांस्य पदकाची कमाई केली. तर महिलांच्या १० मी. एअर रायफल प्रकारात पुण्याच्या पुजा घाटकरने सुवर्णपदकाची कमाई केली. तर भारताच्याच अंजुम मुदगलने रौप्यपदक मिळवलं. सिंगापूरच्या मार्टीना वेलेसुने कांस्यपदक मिळवलं.