Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

पत्रात करण्यात आले अनेक खळबळजनक आरोप

माजी क्रिकेटपटू संजय मांजरेकर (संग्रहित)

भारताची माजी कर्णधार मिताली राज आणि मुख्य प्रशिक्षक रमेश पोवार यांच्यात गेल्या २-३ दिवसांपासून आरोप-प्रत्यारोपाच्या फैरी झडत आहेत. मिताली राज हिने रमेश पोवार यांच्यावर अपमानास्पद वागणूक दिल्याचा आरोप एका पत्राद्वारे केला होता. या पत्रातील मजकूर सार्वजनिक व्हायला नको होता, असे मत माजी क्रिकेटपटू संजय मांजरेकर यांनी व्यक्त केले आहे.

मिताली राज हिने BCCI चे CEO राहुल जोहरी आणि महासंचालक साबा करीम यांना पात्र लिहून आपली खंत व्यक्त केली होती. त्यात प्रशिक्षक रमेश पोवार आणि प्रशासकीय समितीच्या सदस्य डायना एडलजी यांच्यावर अनेक खळबळजनक आरोप करण्यात आले होते. मितालीला या सर्व प्रकारातून जावे लागले याबाबत मला तिच्याबद्दल सहानुभूती आहे. पण या पत्रातील मजकूर हा सार्वजनिक व्हायला नको होता. आधी उपांत्य फेरीत तिला अचानक संघातून वगळले आणि त्यानंतर हे पत्राचे प्रकरण यामुळे तिचा हा आठवडा तणावपूर्ण ठरणार हे नक्की, असे ट्विट त्यांनी केले आहे.

Feel really sorry for Mithali. Contents of her letter should not have come out. Tough week for her, the blunderous dropping from the semis and now this.
— Sanjay Manjrekar (@sanjaymanjrekar) November 27, 2018

प्रशिक्षक रमेश पोवार यांनी माझा अपमान केला. त्यांनी मला संघाबाहेर ठेवले. हरमनप्रीतशी माझे काहीही भांडण नाही. पण तिने मला वगळण्याच्या निर्णयाला पाठिंबा दिला, हे मला खटकले. त्यात भर म्हणून माजी कर्णधार आणि प्रशासकीय समितीच्या सदस्य डायना एडलजी यांनी माझ्याविरोधात आपल्या पदाचा गैरवापर केला आणि मला संघाबाहेर ठेवण्याच्या निर्णयाला एकप्रकारे सहकार्यच केले, असे आरोप तिने पत्राद्वारे केले होते.

First published on: 29-11-2018 at 18:14 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Content of mithali rajs letter should not have come out says sanjay manjrekar

मितालीच्या पत्रातील मजकूर सार्वजनिक होणं चुकीचं – संजय मांजरेकर

पत्रात करण्यात आले अनेक खळबळजनक आरोप