Ind vs Pak : रोहितकडून पाकच्या गोलंदाजांची धुलाई, मानाच्या खेळाडूंच्या पंगतीत मिळवलं स्थान

या खेळीसोबत रोहित शर्माने मानाच्या खेळाडूंच्या पंगतीत आपलं स्थान मिळवलं आहे. विश्वचषक स्पर्धेत ३ किंवा त्यापेक्षा जास्त अर्धशतकी खेळी करणाऱ्या फलंदाजांच्या यादीत रोहित शर्मा आलेला आहे. पाकिस्तानविरुद्ध सामन्यात झळकावलेलं अर्धशतक रोहितचं तिसरं अर्धशतक ठरलंय. या यादीमध्ये भारताचे माजी खेळाडू नवजोतसिंह सिद्धू पहिल्या स्थानावर आहेत. १९८७ साली सिद्धू यांनी सलग ४ अर्धशतकी खेळी केल्या होत्या.

दरम्यान, विश्वचषक स्पर्धेत पाकिस्तानी संघाने एकदाही भारतावर मात केली नाहीये. आतापर्यंतच्या लढतीमध्ये भारत पाकिस्तानविरुद्ध सहा सामने जिंकला आहे. त्यामुळे भारतीय संघ आपली ही विजयी परंपरा कायम राखतो का हे पाहणं महत्वाचं ठरणार आहे.