CSK bought Sameer Rizvi for Rs 8.4 crore : आयपीएल २०२४ च्या लिलावातही फ्रँचायझी अनकॅप्ड खेळाडूंवर मोठा खर्च करत आहेत. देशांतर्गत क्रिकेटमध्ये चमकदार कामगिरी करणाऱ्या खेळाडूंना आता लिलावात लाभ मिळाला आहे. त्यातलाच एक समीर रिझवी आहे. आयपीएल २०२४ च्या लिलावात समीर रिझवीची मूळ किंमत २० लाख रुपये होती, परंतु देशांतर्गत क्रिकेटमधील त्याच्या कामगिरीने प्रभावित होऊन, फ्रँचायझींनी त्याच्यावर जोरदार बोली लावली. शेवटी चेन्नई सुपर किंग्जने बाजी मारली. चेन्नई सुपर किंग्जने समीर रिझवीला ८.४ कोटी रुपयांना विकत घेतले.

कोण आहे समीर रिझवी?

समीरला विकत घेण्यासाठी चेन्नई सुपर किंग्ज आणि दिल्ली कॅपिटल्स यांच्यात लढत झाली. पण अखेर यश चेन्नईच्या हाती आले. उजव्या हाताचा सुरेश रैना म्हणून ओळखला जाणारा समीर रिझवी हा उत्तर प्रदेशातील मेरठ शहरातील रहिवासी आहे. देशांतर्गत क्रिकेटमध्ये, समीरने यूपीसाठी अनेक मोठ्या स्पर्धा खेळल्या आहेत, ज्या दरम्यान त्याने आपल्या उत्कृष्ट फलंदाजीने सर्वांना प्रभावित केले. अनेकदा तो फिरकीविरुद्ध खेळतो तेव्हा टीम इंडियाचा माजी फलंदाज सुरेश रैनाची झलक त्याच्यामध्ये दिसते. त्यामुळे त्याला उजव्या हाताचा सुरेश रैना म्हणतात. आता समीर आपला पहिला आयपीएल हंगाम खेळताना दिसणार आहे.

आणखी वाचा
Health Special What happens to the body if you consume more than 30 grams of protein for breakfast?
Health Special: नाश्त्यात ३० ग्रॅमपेक्षा जास्त प्रथिने घेतल्यावर शरीरावर काय परिणाम होतो; पोषणतज्ज्ञांनी सांगितलं योग्य प्रमाण
21st September Rashi Bhavishya & Marathi Panchang
२१ सप्टेंबर पंचांग: संकष्टी चतुर्थीला बाप्पा करणार ‘या’…
IDBI Bank SO Recruitment 2024
आयडीबीआय बँकेत नोकरीची संधी; महिन्याला पगार एक लाखांपेक्षा जास्त, जाणून घ्या कसा करायचा अर्ज
over 31 percent return from balanced advantage fund in one year
एका वर्षात बॅलन्स्ड ॲडव्हान्टेज फंडातून ३१ टक्क्यांहून अधिक परतावा
loksatta analysis, Jayakwadi Dam water use
विश्लेषण : जायकवाडी भरूनही मराठवाड्याला फायदा काय? समन्यायी पाणीवाटपाचा मुद्दा अजूनही का अनुत्तरित?
import duty cut will boost gold jewellery retailers revenues surge by 22 to 25 pc this fiscal crisil report
आयात शुल्क कपातीमुळे सराफांना सुवर्णसंधी; महसुलात २५ टक्क्यांपर्यंत वाढीचा ‘क्रिसिल’चा अंदाज
Capital Market Investment Share market GDP Economy
लेख: आर्थिक आकांक्षांसाठीच तर नियमन हवे!
Sunny kumar a samosa seller who cracked NEET UG
समोसा विक्रेता होणार डॉक्टर! भाड्याची खोली, रात्रभर अभ्यास अन् ‘अशी’ केली NEETची परीक्षा पास; वाचा १८ वर्षाच्या सनी कुमारचा थक्क करणारा प्रवास

समीर रिझवीची देशांतर्गत क्रिकेट कारकीर्द –

समीर रिझवीने अलीकडेच देशांतर्गत खेळल्या गेलेल्या लिस्ट ए सामन्यांमध्ये आपल्या कामगिरीने सर्वांचे लक्ष वेधून घेतले आहे याआधी देशांतर्गत टी-२० सामन्यांमध्येही त्याने आक्रमक फलंदाज म्हणून आपली ओळख निर्माण केली होती. हा २० वर्षांचा युवा खेळाडू मधल्या फळीत फलंदाजी करतो आणि वेगाने धावा काढण्यासाठी ओळखला जातो. त्याने आत्तापर्यंत देशांतर्गत दोन प्रथम श्रेणी सामने खेळले आहेत, ज्यात त्याने फक्त १७ धावा केल्या आहेत.

हेही वाचा – IPL 2024 auction : पॅट कमिन्सला ठरला आयपीएल इतिहासातील दुसरा सर्वात महागडा खेळाडू, कशी आहे कामगिरी? जाणून घ्या

समीरच्या लिस्ट ए क्रिकेट कारकिर्दीबद्दल बोलायचे झाले तर, त्याने ११ सामन्यात २९-२८च्या सरासरीने २०५ धावा केल्या आहेत आणि त्याची सर्वोत्तम धावसंख्या नाबाद ६१ धावा आहे. त्याच्या टी-२० कारकिर्दीबद्दल बोलायचे झाले, तर केवळ ११ सामन्यांमध्येही त्याची कामगिरी चांगली झाली आहे. या सामन्यांमध्ये त्याने ४९.१६च्या सरासरीने आणि १३४.७० च्या उत्कृष्ट स्ट्राईक रेटने २९५ धावा केल्या आहेत. या कालावधीत त्याने दोन अर्धशतके झळकावली आहेत आणि सर्वोत्तम धावसंख्या नाबाद ७५ आहे. मधल्या फळीत सीएसकेसाठी समीर चांगला फलंदाज ठरू शकतो.