IND W Vs ENG W 1st Semi Final in CWG 2022 Highlights: रंगतदार सामन्यात भारताची इंग्लंडवर मात; अंतिम फेरीत प्रवेश

इंग्लंडला २० षटकांमध्ये १६० धावा करता आल्याने त्यांना पराभव स्वीकारावा लागला आहे. भारताने अंतिम फेरीत प्रवेश केला आहे.

कर्णधार नताली स्कायव्हर मोक्याच्या क्षणी धावबाद झाली आहे. इंग्लंडला विजयासाठी सात चेंडूत १४ धावांची आवश्यकता आहे.

इंग्लंडचा चौथा गडी बाद झाला आहे. एमी जोन्स ३१ धावा करून माघारी परतली आहे. सामाना अतिशय रंगतदार स्थितीत आला आहे.

१६ षटकांमध्ये इंग्लंडच्या तीन बाद १३२ धावा झाल्या आहेत. इंग्लंडला विजयासाठी आणखी ३२ धावांची आवश्यकता आहे.

१० षटकांमध्ये इंग्लंडच्या तीन बाद ८६ धावा झाल्या आहेत. कर्णधार नताली स्कायव्हर आणि एमी जोन्स खेळपट्टीवर उपस्थित आहेत.

डॅनियल वॅटच्या रुपात इंग्लंडचा तिसरा गडी बाद झाला आहे. स्नेह राणाने वॅटला त्रिफळाचित केले.

अॅलिस कॅप्सीच्या रुपात इंग्लंडचा दुसरा गडी बाद झाला आहे. ६.२ षटकांमध्ये इंग्लंडच्या दोन बाद ६३ धावा झाल्या आहेत.

पाच षटकांमध्ये इंग्लंडच्या एक बाद ४९ धावा झाल्या आहेत. डॅनियल वॅट आणि अॅलिस कॅप्सी डावाला आकार देण्याचा प्रयत्न करत आहेत.

सोफिया डंकलेच्या रुपात इंग्लंडला पहिला धक्का बसला आहे. दिप्ती शर्माच्या चेंडूवर ती १९ धावा करून बाद झाली.

इंग्लंडच्या सलामीवीर डॅनियल वॅट आणि सोफिया डंकले यांनी आक्रमक सुरुवात केली आहे. इंग्लंडच्या दोन षटकांमध्ये बिनबाद २५ धावा झाल्या आहेत.

भारताने दिलेले १६५ धावांचे लक्ष्य पार करण्यासाठी इंग्लंडचे सलामीवीर मैदानात उतरले आहेत.

निर्धारित २० षटकांमध्ये भारताने चार बाद १६४ धावा केल्या आहेत. त्यामुळे इंग्लंडला १६५ धावांचे लक्ष्य पार करावे लागणार आहे.

१८ षटकांमध्ये भारताच्या तीन बाद १४६ धावा झाल्या आहेत. जेमिमाह रॉड्रिग्ज आणि दिप्ती शर्मा फलंदाजी करत आहेत.

१५ षटकांमध्ये भारताच्या तीन बाद ११५ धावा झाल्या आहेत. जेमिमाह रॉड्रिग्ज आणि दिप्ती शर्मा फलंदाजी करत आहेत.

कर्णधार हरमनप्रीत कौरच्या रुपात भारताचा तिसरा गडी बाद झाला आहे. तिने २० चेंडूत २० धावा केल्या.

१३ षटकांमध्ये भारताच्या दोन बाद १०० धावा झाल्या आहेत. कर्णधार हरमनप्रीत कौर आणि जेमिमाह रॉड्रिग्ज डावाला आकार देण्याचा प्रयत्न करत आहेत.

१० षटकांमध्ये भारताच्या दोन बाद ७९ धावा झाल्या आहेत. कर्णधार हरमनप्रीत कौर आणि जेमिमाह रॉड्रिग्ज खेळपट्टीवरती उपस्थित आहेत.

भारताला आक्रमक सुरुवात मिळवून देणारी स्मृती मंधाना बाद झाली आहे. तिने केवळ ३२ चेंडूत ६१ धावा फटकावल्या. नऊ षटकांमध्ये भारताच्या दोन बाद ७७ धावा झाल्या आहेत.

शफाली वर्माच्या रुपात भारताला पहिला धक्का बसला आहे. तिने आणि स्मृतीने पहिल्या गड्यासाठी ७६ धावांची भागीदारी केली.

स्मृती मंधानाने अवघ्या २३ चेंडूत धमाकेदार अर्धशतक पूर्ण केले आहे. राष्ट्रकुल क्रीडा स्पर्धेतील हे सर्वात वेगवान अर्धशतक आहे.

पाचव्या षटकामध्ये भारताचे अर्धशतक पूर्ण झाले आहे. मंधाना वैयक्तिक अर्धशतकाच्या जवळ पोहचली आहे.

भारतीय सलामीवीर स्मृती मंधानाने जोरदार फटकेबाजी सुरू केली आहे. तीन षटकांमध्ये भारताच्या बिनबाद २८ धावा झाल्या आहेत.

भारताच्या फलंदाजीला सुरुवात झाली आहे. सलामीवीर स्मृती मंधाना आणि शफाली वर्मा मैदानात उतरल्या आहेत.

भारतीय महिला संघ : स्मृती मंधाना, शफाली वर्मा, जेमिमाह रॉड्रिग्ज, हरमनप्रीत कौर (कर्णधार), तानिया भाटिया (यष्टीरक्षक), दीप्ती शर्मा, पूजा वस्त्राकर, राधा यादव, स्नेह राणा, मेघना सिंग, रेणुका ठाकूर

इंग्लंड महिला संघ: डॅनियल वॅट, सोफिया डंकले, अॅलिस कॅप्सी, नताली स्कायव्हर (कर्णधार), एमी जोन्स (यष्टीरक्षक), माइया बाउचर, कॅथरीन ब्रंट, सोफी एक्लेस्टोन, फ्रेया केम्प, इस्सी वोंग, सारा ग्लेन.

भारतीय कर्णधार हरमनप्रीत कौरने नाणेफेक जिंकून प्रथम फलंदाजी निवडली आहे.

इंग्लंडविरुद्ध झालेल्या दहा २० सामन्यांपैकी भारतीय महिला संघाला फक्त दोन सामने जिंकता आले आहेत.