CWG 2022: अभूतपूर्व! तिहेरी उडीत भारताची सुवर्ण अन् रौप्य पदकाची कमाई

तिहेरी उडीच्या अंतिम फेरीत भारताच्या दोन्ही खेळाडूंनी दमदार कामगिरी केली. एल्डहोस पॉलने १७.०३ मीटर उडी मारून सुवर्ण पदकावर आपले नाव कोरले. तर, त्याच्या पाठोपाठ अब्दुल्ला अबुबकर याने १७.०२ मीटर उडी मारून रौप्य पदक भारताच्या खात्यात जमा केले. या दोघांशिवाय, भारताचा प्रवीण चिथ्रावेल यानेही चांगला खेळ केला. तो चौथ्या स्थानावर राहिला. त्याचे कांस्य पदक थोडक्यात हुकले.

त्यापूर्वी, बॉक्सिंगमध्ये भारताला दोन सुवर्णपदकांची कमाई झाली. महिलांच्या ४८ किली वजनी गटात नितू घांगसने सुवर्णपदक पटकावले. तिच्या पाठोपाठ अमित पंघालनेही अंतिम सामन्यात विजय मिळवून सुवर्ण पदक मिळवले.