CWG 2022 : राष्ट्रकुल खेळांपूर्वी मिताली राजचे भारतीय संघाबद्दल मोठे वक्तव्य, म्हणाली “आपल्या मुली…”

मिताली राजने गेल्या महिन्यात क्रिकेटच्या सर्व प्रकारांमधून निवृत्ती घेतल आहे. सध्या ती तिच्या आयुष्यावरील ‘शाबाश मितू’ या चित्रपटाच्या प्रमोशनमध्ये व्यग्र आहे. त्यानिमित्त कोलकात्यात असताना तिने भारतीय महिला संघ आणि आगामी राष्ट्रकुल स्पर्धांबद्दल आपली प्रतिक्रिया दिली. मिताली म्हणाली, “मला वाटते की कोणत्याही मोठ्या स्पर्धेपूर्वी तयारी करणे खूप महत्वाचे आहे. चांगली तयारी आणि योग्य रणनीती घेऊन मैदानात उतरल्यास पदक जिंकण्याची चांगली संधी असते. आपल्या मुली तयारी करूनच मैदानात उतरतील.”

आणखी वाचा

Smriti Mandhana: स्मृती मानधनाच्या नावे विश्वविक्रम, ‘ही’ कामगिरी करणारी ठरली जगातील पहिली महिला फलंदाज

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

INDW vs AUSW: अरूंधती रेड्डीचा ऐतिहासिक पराक्रम, ‘ही’ कामगिरी करणारी पहिली भारतीय गोलंदाज

१३७ चेंडूत २०० धावा! भारताच्या लेकीने घडवला इतिहास; सर्वात कमी वयात द्विशतक झळकावणारी पहिली महिला फलंदाज

Ladki Bahin Yojana Pune : पुणे जिल्ह्यात ५० हजार ‘बहिणी’ ‘लाडक्या’ होण्याच्या प्रतीक्षेत!

अविवाहित मुलीला वडिलांकडून पोटगी मिळू शकते? न्यायालयाने दिला ‘हा’ निर्णय….

Ladki Bahin Yojana : लाडक्या बहिणींच्या अर्जांची छाननी होणार की नाही? आदिती तटकरे महत्त्वाची माहिती देत म्हणाल्या…

लाखो बहिणी नावडत्या; ‘लाडकी बहीण’ योजनेच्या सर्व अर्जांची छाननी,वाढत्या तक्रारींच्या पार्श्वभूमीवर आदिती तटकरेंची घोषणा

हेही वाचा – या आजीचा नादच खुळा! वयाच्या ९४व्या वर्षी जागतिक स्पर्धेत मिळवले सुवर्णपदक

याशिवाय मितालीने हरमनप्रीतच्या नेतृत्त्वाबद्दलही आपली प्रतिक्रिया दिली. ती म्हणाली, “अष्टपैलू हरमनप्रीतकडे या खेळांमध्ये भारताला आघाडीवर नेण्याचा पुरेसा अनुभव आहे. ती २०१६पासून टी २० संघाचे नेतृत्व करत आहे.” हरमनप्रीतच्या नेतृत्त्वाखाली भारतीय संघाने नुकताच श्रीलंकेला टी २० आणि एकदिवसीय मालिकेत व्हाईट वॉश दिला आहे.

हेही वाचा – ऋषभ पंतचा चेहरा वापरून धोनीने केली मैदानात घुसखोरी! सोशल मीडियावर फोटो झाला व्हायरल

१९९८च्या हंगामात क्वालालंपूर येथे झालेल्या राष्ट्रकुल क्रीडा स्पर्धांमध्ये पुरुषांच्या क्रिकेटचा समावेश करण्यात आला होता. मात्र, त्यानंतर पुन्हा या स्पर्धेत क्रिकेट खेळवणे शक्य झाले नाही. आता प्रथमच बर्मिंगहॅम राष्ट्रकुल क्रीडा स्पर्धेत महिला क्रिकेटचा समावेश करण्यात आला आहे.

भारताचा ‘अ’ गटात समावेश झालेला आहे. भारताचा पहिला सामना २९ जुलैला ऑस्ट्रेलियाशी होणार आहे. भारतासोबत अ गटामध्ये पाकिस्तान आणि बार्बाडोस हे देखील आहेत. क्रिकेटचा उपांत्य सामना ६ ऑगस्ट तर अंतिम सामना ७ ऑगस्ट रोजी होणार आहे.