India W vs Barbados W T20 Highlights in CWG 2022: भारताचा बार्बाडोसवर शानदार विजय; उपांत्य फेरीत प्रवेश

बार्बाडोसचा सहावा गडी बाद झाला आहे. संघाची अवस्था सहा बाद ४५ अशी झाली आहे.

स्नेह राणाने बार्बाडोसचा पाचवा गडी तंबूत पाठवला आहे. किशोना नाइट १६ धावा करून बाद झाली.

कर्णधार हेली मॅथ्यूजच्या रुपात बार्बाडोसचा दुसरा गडी बाद झाला आहे.

रेणूका ठाकूर बार्बाडोसला पहिला धक्का दिला आहे. डिआंड्रा डॉटिन शून्यावर माघारी परतली आहे.

बार्बाडोसच्या फलंदाजीला सुरुवात झाली आहे. सलामीवीर मैदानात उतरले आहेत.

जेमिमाह रॉड्रिग्जने शानदार अर्धशतक झळकावले. हे तिच्या आंतरराष्ट्रीय टी २० कारकिर्दीतील सातवे अर्धशतक ठरले.

तानिया भाटियाच्या रुपात भारताचा चौथा गडी बाद झाला आहे. भारताच्या १३ षटकांमध्ये चार बाद ९३ धावा झाल्या आहेत.

कर्णधार हरमनप्रीत कौरच्या रुपात भारताचा तिसरा गडी बाद झाला आहे. हरमनप्रीतला खातेही उघडता आले नाही.

सलामीवीर शफाली वर्माचे अर्धशतक हुकले. तिने २६ चेंडूंत ४३ धावा फटकावल्या.

आठ षटकांमध्ये भारताच्या एकबाद ६७ धावा झाल्या आहेत. शफाली वर्मा आणि जेमिमाह रॉड्रिग्जमध्ये ५० पेक्षा जास्त धावांची भागीदारी झाली आहे.

सहाव्या षटकामध्ये भारताचे अर्धशतक पूर्ण झाले आहे. शफाली वर्मा आणि जेमिमाह रॉड्रिग्जने फटकेबाजी करत आहेत.

चार षटकांमध्ये भारताच्या एकबाद ३८ धावा झाल्या आहेत. शफाली वर्मा आणि जेमिमाह रॉड्रिग्जने फटकेबाजी सुरू केली आहे.

स्मृती मंधानाच्या रुपात भारताचा पहिला गडी बाद झाला आहे. तिने पाच धावा केल्या. भारताच्या १.२ षटकांमध्ये एक बाद ८ धावा झाल्या आहेत.

भारताच्या फलंदाजी सुरुवात झाली आहे. सलामीवीर स्मृती मंधाना आणि शफाली वर्मा मैदानात उतरल्या आहेत.

बार्बाडोस महिला संघ: डिआंड्रा डॉटिन, हेली मॅथ्यूज (कर्णधार), केसिया नाइट (यष्टीरक्षक), आलिया अॅलेन, किशोना नाइट, ट्रिशन होल्डर, अलिसा स्कँटलबरी, शकेरा सेलमन, शमिलिया कोनेल, शनिका ब्रुस, शाँट कॅरिंग्टन.

भारतीय महिला संघ: शफाली वर्मा, स्मृती मंधाना, जेमिमाह रॉड्रिग्ज, हरमनप्रीत कौर (कर्णधार), दीप्ती शर्मा, राधा यादव, स्नेह राणा, मेघना सिंग, रेणुका ठाकूर, पूजा वस्त्राकर, तानिया भाटिया

बार्बाडोसची कर्णधार हेली मॅथ्यूजने नाणेफेक जिंकून प्रथम गोलंदाजी करण्याचा निर्णय घेतला आहे.