Arshad Nadeem : ‘…हा देशाचा आणि अर्शदचा अपमान’, पाकिस्तानचा माजी क्रिकेटपटू पीएम शाहबाज शरीफ यांच्यावर का संतापला? जाणून घ्या

या अफाट यशानंतर, त्याला पाकिस्तानचे पंतप्रधान शाहबाज शरीफ यांना भेटण्याची संधी मिळाली, ज्यांनी त्याला ३ लाख रुपये रोख बक्षीस दिले. ज्यांचा फोटो सोशल मीडियावर व्हायरल होत आहे. हा व्हायरल फोटो पाहिल्यानंतर माजी पाकिस्तानी क्रिकेटर दानिश कनेरिया पंतप्रधानांवर चांगलाच संतापला आहे. यानंतर त्याने पंतप्रधानांना अर्शदसोबत पोस्ट केलेला फोटो हटवण्यास सांगितले, ज्यात ते अर्शद नदीमला रोख बक्षीस देताना दिसत आहेत.

दानिश कनेरिया पाकिस्तानच्या पंतप्रधानावर संतापला –

पाकिस्तानचे माजी क्रिकेटर दानिश कनेरियाने पाकिस्तानचे पंतप्रधान शाहबाज शरीफ यांच्या एक्सवर ट्वीट केले आणि लिहिले, ‘माननीय पंतप्रधान, कृपया किमान विनम्र अभिनंदन करा. तुम्ही दिलेला लाखो रुपयांचा फोटो डिलीट करा. ही रक्कम अर्शदच्या गरजांसमोर काहीच नाही. ही रक्कम इतकी कमी आहे की त्याला विमानाचे तिकीटही काढू शकत नाही. त्यामुळे अर्शदच्या सततच्या संघर्षाचा विचार करता हा त्याचा आणि देशाचा अपमान आहे.’

हेही वाचा – Keshav Maharaj : केशव महाराजने केला मोठा पराक्रम, कसोटीत ‘ही’ कामगिरी करणारा ठरला जगातील दुसरा गोलंदाज

अर्शद नदीम पाकिस्तानी पत्रकारांना काय म्हणाला?

अर्शद नदीम पाकिस्तानी पत्रकारांना म्हणाला, ‘माझ्या गावाला रस्त्यांची गरज आहे. जर सरकारने स्वयंपाकाचा गॅस उपलब्ध करून दिला तर ते माझ्यासाठी आणि माझ्या गावासाठी खूप चांगले होईल. मियां चन्नू शहरात विद्यापीठ व्हावे हे माझे स्वप्न आहे. जेणेकरून आमच्या बहिणींना शिकण्यासाठी मुलतानला जावे लागू नये, जे दीड ते दोन तासांच्या अंतरावर आहे. सरकारने येथे विद्यापीठ बांधले तर माझ्या गावासाठी आणि शेजाऱ्यांसाठी ही खूप आनंदाची बातमी असेल.’

हेही वाचा – Vinesh Phogat: विनेश फोगटला रौप्यपदक मिळणार? कुस्तीच्या नियमातील ‘ही’ त्रुटी विनेशच्या प्रकरणाला देणार वळण

अर्शद नदीमचे जंगी स्वागत –

पाकिस्तानचा पहिला वैयक्तिक ऑलिम्पिक सुवर्णपदक विजेता अर्शद नदीमचे मायदेशी परतल्यावर चाहत्यांनी जोरदार स्वागत केले आणि आपल्या कुटुंबाला भेटताना तो भावूक झाला. नदीम मायदेशी पोहोचल्यावर ‘वॉटर कॅनन सॅल्यूट’ने त्याचे स्वागत करण्यात आले. हजारो चाहते नदीमची एक झलक पाहण्यासाठी आतुर झाले होते आणि त्याच्या नावाचा जयघोष करत होते. नदीमने पॅरिस ऑलिम्पिक भालाफेक स्पर्धेत ९२.९७ मीटर लांब भालाफेक करून सुवर्णपदक जिंकले होते. इथे पोहोचल्यावर नदीमने आई, वडील आणि मोठ्या भावाला मिठी मारली. अल्लामा इक्बाल आंतरराष्ट्रीय विमानतळाच्या लाउंजमध्ये भावनिक भेटीनंतर त्याच स्वागत केले.