धोनीने अनेकवेळा मला संघातून बाहेर जाण्यापासून वाचवलं – इशांत शर्मा

“धोनीने मला अनेकदा संघातून बाहेर जाण्यापासून वाचवलं आहे. त्याने मला खूप पाठींबा दिला आहे. कित्येकदा विराटही सामन्यादरम्यान माझ्याकडे येऊन, मला आदराने काही गोष्टी विचारतो. मात्र संघातला अनुभवी गोलंदाज या नात्याने कितीही थकलो तरीही तुम्हाला काही गोष्टी या कराव्याच लागतात. सुरुवातीला केवळ गोलंदाजी करत राहणं हे माझं ध्येय होतं. मात्र यापुढे चांगल्या गोलंदाजीसोबत जास्तीत-जास्त विकेट काढणं हे देखील माझं ध्येय असणार आहे.” इशांत India Today वाहिनीला दिलेल्या मुलाखतीत बोलत होता.

कसोटी संघातला गोलंदाज असा शिक्का लागलेल्या इशांतला यंदा आयपीएलमध्ये आपली कामगिरी सुधारण्याची मोठी संधी मिळणार आहे. आगामी विश्वचषक संघासाठी आपण अद्याप आशा सोडल्या नसल्याचं इशांत म्हणाला. जर यंदा मी चांगली कामगिरी केली तर मला विश्वचषकात नक्कीच जागा मिळेल, असा आत्मविश्वास इशांतने बोलून दाखवला.

अवश्य वाचा – चौथ्या क्रमांकासाठी धोनीच योग्य पर्याय – अनिल कुंबळे