दीपिकाची आगेकूच, जोत्स्ना पराभूत

भारताच्या दीपिका पल्लिकलने चौथ्या मानांकित अ‍ॅलिसन वॉटर्सवर मात करीत फिलाडेल्फिया येथे सुरू असलेल्या अमेरिकन खुल्या स्क्वॉश स्पर्धेत आगेकूच केली. मात्र, तिची सहकारी जोत्स्ना चिनप्पाचे आव्हान संपुष्टात आले. दीपिकाने इंग्लंडच्या अ‍ॅलिसनला ९-११, ११-५, ३-११, ११-१, ११-६ असे हरवले. चिनप्पाला मात्र इजिप्तच्या ओम्नेया अ‍ॅब्देल कॉवीने पराभूत केले. सहाव्या मानांकित कॉवीने हा सामना १२-१०, ११-६, ११-५ असा जिंकला. तिला आता दीपिकाशी खेळावे लागणार आहे.