Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

धोनीच्या वाढदिवशी घडला प्रकार

धोनी आणि कुलदीप यादव

इंग्लंड दौऱ्यात ३ टी-२० सामन्यांची मालिका २-१ ने जिंकल्यानंतर भारतीय संघ चांगलाच आनंदात आहे. काही दिवसांपूर्वी महेंद्रसिंह धोनीने वयाच्या ३७ व्या वर्षात पदार्पण केलं. त्याचा वाढदिवस सर्व सहकाऱ्यांनी एकत्र येत साजरा केला. आतापर्यंत धोनीच्या वाढदिवसाच्या सेलिब्रेशनचे फोटो आपण पाहिले असतीलच. मात्र यादरम्यान केक कापत असताना धोनीसोबत पंगा घेणं भारताचा चायनामन कुलदीप यादवला चांगलचं महागात पडलं.

केक कापत असताना धोनीची पत्नी साक्षी व मुलगी झिवा या त्याच्या शेजारी उभ्या होत्या. केक कापल्यानंतर कुलदीप यादवने धोनीच्या चेहऱ्याला केक फासण्यास सुरुवात केली. यानंतर कॅप्टन कूल माहिने कुलदीपला असं काही उत्तर दिलं की सगळे जण हसत सुटले. बीसीसीायने या सेलिब्रेशनचा व्हिडीओ आपल्या ट्विटर अकाऊंटवर शेअर केला आहे.

#TeamIndia has reached Bristol and upon arrival it is time to celebrate#HappyBirthdayMSDhoni pic.twitter.com/298C0Ti9eQ
— BCCI (@BCCI) July 7, 2018

अंतिम सामन्यात धोनीने ५ झेल घेत अनोखा विक्रम आपल्या नावावर केला. फलंदाजीत धोनीला फारशी संधी मिळाली नसली तरीही त्याने यष्टीरक्षणात आपलं नाणं खणखणीत वाजवून दाखवलं आहे. यानंतर गुरुवारपासून भारत आणि इंग्लंड यांच्यात ३ वन-डे सामन्यांची मालिका सुरु होणार आहे. या मालिकेत कोण बाजी मारतं आणि धोनी कसा खेळ करतो याकडे सर्वांचं लक्ष असणार आहे.

First published on: 09-07-2018 at 19:22 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Dont mess with ms dhoni hardik pandya kuldeep yadav find out why

Video: धोनीशी पंगा घेणं कुलदीप यादवला पडलं महागात

धोनीच्या वाढदिवशी घडला प्रकार