Team India T20 Captain Suryakumar Yadav : भारतीय निवड समितीने गुरुवारी सूर्यकुमार यादवला नवी जबाबदारी दिली. त्याला भारतीय टी-२० संघाचा नवा कर्णधार बनवण्यात आले आहे. हार्दिकच्या फिटनेस समस्येमुळे त्याच्याऐवजी बीसीसीआयने नवा कर्णधार म्हणून सूर्यकुमार यादवची निवड केली असल्याचे बोलले जात आहे. सूर्याला सर्वात लहान फॉरमॅटमध्ये संघाचा कर्णधार म्हणून नियुक्त केल्यानंतर, त्याचा एक जुना व्हिडीओ सोशल मीडियावर समोर आला आहे, ज्यामध्ये नवीन ‘कर्णधार’ नेता म्हणून त्याच्या मानसिकतेबद्दल बोलताना दिसतोय.
स्टार स्पोर्ट्सने सोशल मीडियावर ही व्हिडीओ क्लिप शेअर केली आहे, ज्यामध्ये सूर्यकुमारने त्याच्या कर्णधार कौशल्याबद्दल सांगितले. हा व्हिडिओ २०२३ मधला आहे, जेव्हा सूर्याने भारतीय संघाला ऑस्ट्रेलियाविरुद्ध ४-१ असा विजय मिळवून दिला होता. त्यानंतर दक्षिण आफ्रिकेविरुद्ध सर्वात लहान फॉरमॅटमध्ये १-१ अशी बरोबरी साधली होती.
सूर्यकुमार यादव काय म्हणाला होता?
तेव्हा सूर्या म्हणाला होता की, “मी या नव्या भूमिकेचा आनंद घेत आहे. मी सर्वांसोबत वेळ घालवण्याचा आनंद घेत आहे आणि आम्ही सर्वांनी खूप फ्रँचायझी आणि देशांतर्गत क्रिकेट खेळले आहे. त्यामुळे त्यांची ताकद आणि कमकुवतपणा समजून घेणे कठीण नाही. आम्ही मैदानाबाहेरही बराच वेळ घालवतो, त्यामुळे मैदानावर आमचा समन्वय चांगला असतो.”
हेही वाचा – Sanju Samson : कुमार संगकारा वापरतोय माझी बॅट! संजू सॅमसनची खास पोस्ट, राजस्थान रॉयल्सने शेअर केला VIDEO
या व्हिडीओlत सूर्या पुढे म्हणाला होता की, “माझ्यासाठी गोष्टी सोप्या ठेवणे महत्त्वाचे आहे. मी प्रक्रियेवर विश्वास ठेवणारा माणूस आहे. मला गोष्टी सोप्या ठेवायला आवडतात आणि मी तसा प्रयत्न करतो. त्याचबरोबर प्रत्येकाला सांगतो की गोष्टी खरोखर सोप्या ठेवण्याचा प्रयत्न करा. जास्त काही करण्याचा प्रयत्न करू नका आणि स्वतःला इतरांपेक्षा वेगळे दाखवण्याच प्रयत्न करू नका.”
हेही वाचा – IND vs SL : टीम इंडियाच्या निवडीवर शशी थरुर संतापले; म्हणाले, ‘ज्यांनी शतकं झळकावली त्यांनाच…’
झिम्बाब्वेविरुद्ध नुकत्याच पार पडलेल्या टी-२० मालिकेत मेन इन ब्लूचे नेतृत्व करणारा शुबमन गिल हा श्रीलंकेविरुद्धच्या आगामी तीन सामन्यांच्या टी-२० मालिकेत उपकर्णधार आहे. गेल्या वर्षीच्या एकदिवसीय विश्वचषक आणि यंदाच्या टी-२० विश्वचषकात उपकर्णधार असलेला अष्टपैलू हार्दिक पंड्याला नेतृत्वाच्या भूमिकेतून मुक्त करण्यात आले आहे.भारताच्या झिम्बाब्वे दौऱ्यात विश्रांती दिल्यानंतर वेगवान गोलंदाज अर्शदीप सिंग, मोहम्मद सिराज आणि यष्टीरक्षक-फलंदाज ऋषभ पंत यांनाही श्रीलंकेविरुद्धच्या टी-२० संघात बोलावण्यात आले आहे.
