मुरली विजयसोबत डिनर डेटवर जाण्यासाठी एलिस पेरीने ठेवली एक अट

रोहितचा २६४ धावांचा विक्रम कोण मोडणार? श्रीसंतने दिलं उत्तर

घरबसल्या काही क्रिकेटपटू पूर्णपणे आपल्या कुटुंबाला वेळ देत आहेत. तर काही क्रिकेटपटू सोशल मीडियावर अ‍ॅक्टिव्ह आहेत. काही लोक पूर्णपणे आराम करत आहेत. काही टिकटॉक आणि इतर प्रकारचे व्हिडीओ तयार करून स्वत:चे आणि चाहत्यांचे मनोरंजन करत आहेत. मात्र या सर्व गोष्टी सांभाळून अनेक क्रीडापटू लाइव्ह चॅटच्यामार्फत आपल्या चाहत्यांशी संवाद साधत आहेत. काही दिवसांपूर्वी टीम इंडियाचा फलंदाज मुरली विजय याने ऑस्ट्रेलियाची स्टार क्रिकेटपटू सौंदर्यवती एलिस पेरी हिच्यासोबत डिनर डेटला जाण्याची इच्छा व्यक्त केली होती. या इच्छेवर आता एलिस पेरीने रिप्लाय दिला आहे.

लॉकडाउन स्पेशल… रोहितने भन्नाट कमेंट करत युवराजला केलं ट्रोल

एका क्रीडा वाहिनीसाठी इन्स्टाग्राम लाईव्हच्या माध्यमातून एलिस पेरीने संवाद साधला. महिला अँकर रिदिमा पाठक हिने तिची मुलाखत घेतली. त्या मुलाखती दरम्यान तिला अनेक प्रश्न विचारण्यात आले. त्यातच मुरली विजयच्या डेटबद्दल प्रश्न विचारण्यात आला. त्यावर तिने झकास उत्तर दिले. “डेटवर जायला मी तयार आहे, पण एका अटीवर… त्याने बिल भरायला हवं. तो डेटचे पैसे भरत असेल, तर मी डेटवर नक्की जाईन. तो खूप चांगला माणूस आहे’, असे मिस्किल उत्तर एलिस पेरीने दिले.

“बुमराह अजूनही ‘बच्चा’ आहे” म्हणणारा पाकिस्तानी क्रिकेटर आता म्हणतो…

मुरली विजयने इस्टाग्राम लाईव्ह चॅटमार्फत चाहत्यांशी संवाद साधला होता. त्यावेळी त्याला लाईव्हमध्ये ‘तुला कोणासोबत डिनर डेटवर जाण्यास आवडेल?’ असा प्रश्न विचारला होता. यावर त्याने ऑस्ट्रेलियाची एलिस पेरी हिचं नाव घेतलं होतं.