WTC Points Table: श्रीलंकेचा पराभव करत इंग्लंडची WTC गुणतालिकेत मोठी झेप, पाकिस्तानसह ‘या’ देशांना टाकलं मागे, भारत कितव्या स्थानी?

हेही वाचा – VIDEO: “कबुतरासारखा उड्या मारत असतो…” पाकिस्तानच्या मोहम्मद रिझवानवर भारतीय अंपायरचं मोठं विधान, सर्व विकेटकिपर्सनाही दिली सक्त ताकीद

जागतिक क्रमवारीत अव्वल क्रमांकावर असलेला कसोटी फलंदाज जो रुट याने दुसऱ्या डावात १२८ चेंडूत नाबाद ६२ धावांची खेळी करत इंग्लंड संघासाठी सर्वाधिक धावा केल्या. त्याने पहिल्या डावातील शतकवीर जेमी स्मिथ (३९) सोबत पाचव्या विकेटसाठी ६४ धावा जोडल्या. पहिल्या कसोटीत धनंजय डी सिल्वाच्या नेतृत्वाखालील संघाचा पराभव करून इंग्लंडने वर्ल्ड टेस्ट चॅम्पियनशिप (WTC) २०२३-२५ ​​च्या गुणतालिकेत मोठी झेप घेतली आहे. सातव्या क्रमांकावरून इंग्लंडने थेट चौथ्या क्रमांकावर झेप घेतली आहे. इंग्लंडची गुणसंख्या आता ४१.०७ टक्के झाली आहे.

हेही वाचा – KL Rahul: “त्या मुलाखतीमुळे खूप घाबरलो, संघातून सस्पेंड केलं… “, कॉफी विथ करण वादावर केएल राहुलचे धक्कादायक वक्तव्य

इंग्लंडने श्रीलंका, दक्षिण आफ्रिका आणि पाकिस्तानला मागे टाकले. श्रीलंकेचा संघ ४०.०० टक्क्यांसह चौथ्या स्थानावरून पाचव्या स्थानावर गेला आहे. दक्षिण आफ्रिका सहाव्या तर पाकिस्तान सातव्या क्रमांकावर घसरला आहे. शान मसूदच्या नेतृत्वाखालील संघ सध्या बांगलादेशविरुद्ध दोन सामन्यांची कसोटी मालिका खेळत आहे, जर नजमुल हुसैन शांतोच्या नेतृत्वाखालील संघाने रविवारी (२५ ऑगस्ट) पहिली कसोटी जिंकली तर ते गुणतालिकेत बांगलादेशच्या खाली जाईल.

हेही वाचा – Rohit Sharma: ‘गार्डनमध्ये’ सराव करतोय रोहित शर्मा, कसोटी मालिकेसाठी अभिषेक नायरबरोबर हिटमॅनची जोरदार तयारी, VIDEO व्हायरल

WTC Points Table मध्ये भारत कितव्या स्थानावर?

रोहित शर्माच्या नेतृत्वाखालील भारतीय संघ WTC गुणतालिकेत पहिल्या क्रमांकावर आहे. दोनदा WTC फायनल गमावलेल्या संघांचे गुण ६८.५२ टक्के आहे. दुसऱ्या स्थानावर २०२३चा चॅम्पियन संघ ऑस्ट्रेलिया आहे, ज्यांचे ६२.५० टक्के गुण आहेत. न्यूझीलंड ५० टक्क्यांसह तिसऱ्या स्थानावर आहे. इंग्लंड चौथ्या आणि श्रीलंका पाचव्या स्थानावर आहे. इंग्लंड टॉप-५ मध्ये आल्याने अंतिम फेरीची शर्यत आणखी कठीण झाली आहे. आता टॉप-५ मधील संघांना सर्वोत्तम कामगिरी करावी लागणार आहे.

हेही वाचा – ENG vs SL : जो रूटने एकाच डावात मोडले दोन मोठे रेकॉर्ड, राहुल द्रविड आणि ॲलन बॉर्डरला टाकले मागे

WTC Points Table मध्ये देशांना गुण कसे मिळतात?

जागतिक कसोटी चॅम्पियनशिपच्या गुणतालिकेत कोणत्याही संघाला सामना जिंकण्यासाठी १२ गुण दिले जातात. सामना बरोबरीत राहिल्यास 6 गुण दिले जातात, अनिर्णित राहिल्यास 4 गुण आणि गमावल्यास कोणतेही गुण दिले जात नाहीत. जर आपण गुणांच्या टक्केवारीबद्दल बोललो तर, जिंकल्यास १०० गुण दिले जातात, बरोबरीत सामना राहिल्यास ५०, ड्रॉ झाल्यास ३३.३३ आणि सामना हरल्यास कोणतेही गुण दिले जात नाहीत. अंतिम सामना टॉप-२ संघांमध्ये गुणांच्या टक्केवारीच्या आधारे खेळला जातो.