इंग्लंडविरुद्ध पहिल्या ३ कसोटी सामन्यांना जसप्रीत बुमराह मुकणार?

इंग्लंडविरुद्ध वन-डे मालिकेतून माघार घेतल्यानंतर जसप्रीत बुमराह पहिल्या ३ कसोटी सामन्यांनाही मुकण्याची शक्यता आहे. आयर्लंडविरुद्ध टी-२० सामन्यादरम्यान बुमराहच्या हाताच्या अंगठ्याला दुखापत झाली होती. बुमराहच्या अनुपस्थितीत कुलदीप यादवने भारतीय गोलंदाजीची धुरा सांभाळली होती. इंग्लंडविरुद्ध पहिल्या ३ कसोटी सामन्यांसाठी बीसीसीआय आज भारताचा संघ जाहीर करणार आहे. Cricinfo या वेबसाईटने दिलेल्या बातमीनुसार बुमराहला पहिल्या ३ सामन्यांसाठी भारतीय संघात जागा मिळणार नाहीये. याचसोबत ऋषभ पंतलाही कसोटी संघात जागा मिळु शकते. याचसोबत वृद्धिमान साहाच्या सहभागाबद्दलही शंका उत्पन्न केली जात आहे.