Euro Cup 2020: बेल्जियमच्या रोमेलूने रशियाविरुद्ध पहिला गोल केला आणि कॅमेऱ्यासमोर म्हणाला…

रोमेलूने रशियाविरुद्ध १० व्या मिनिटाला गोल केला आणि थेट मैदानाजवळ असलेल्या कॅमेऱ्याजवळ गेला. आणि “ख्रिस, ख्रिस, खंबीर राहा. माझं तुझ्यावर प्रेम आहे.”, असं जोरात बोलला. यावेळी रोमेलूला त्याच्या भावना आवरता आल्या नाहीत.

दरम्यान, ख्रिश्चियन एरिक्सन मैदानात पडल्याचे पाहताच डेन्मार्कच्या खेळाडूंनी त्याच्याजवळ धाव घेतली. तेव्हा बेशुद्ध अवस्थेत असलेल्या ख्रिश्चियनभोवती रिंगण करुन ते उभे राहिले आणि त्याला धीर देत होते. या घटनेनंतर वैद्यकीय टीम तिथे पोहोचली आणि त्यांनी ख्रिश्चियनला तपासले. त्यानंतर त्याला स्ट्रेचरवरून रुग्णालयात हलवण्यात आले. या प्रसंगानंतर यूरो कप समितीने हा सामना काही वेळेसाठी स्थगित केला होता. या घटनेमुळे संघातील खेळाडूंच्या चेहऱ्यावर चिंता स्पष्ट दिसत होती. फुटबॉल चाहतेही तो लवकर बरा व्हावा, यासाठी प्रार्थना करताना दिसले.

Video: अन् तो धाडकन कोसळला….फुटबॉलर एरिक्सननंतर आता क्रिकेटपटू फाफ डू प्लेसिसही जखमी

एरिक्सनची प्रकृती ठीक असल्याचे समोर आल्यानंतर सामना पुन्हा सुरू झाला. यात स्पर्धेतील नवख्या फिनलँडने बलाढ्य डेन्मार्कचा १-० पराभव करून इतिहासात नाव कोरले. फिनलँड प्रथमच प्रमुख आणि मोठ्या स्पर्धेत खेळत आहे.