Aishwarya Rai Comment By EX Pakistani Cricketer: माजी पाकिस्तानी क्रिकेटपटू अब्दुल रझाकने नुकत्याच झालेल्या एका पत्रकार कार्यक्रमात ऐश्वर्या राय बच्चनबद्दल केलेल्या हीन कमेंटने नेटकरी भडकले आहेत. आयसीसी विश्वचषक २०२३ मधील संघाच्या कामगिरीबद्दल पाकिस्तानी मीडियातर्फे प्रश्न विचारले जात असताना रझाकने ऐश्वर्या रायचे नाव घेत पाकिस्तानी क्रिकेट बोर्डावर निशाणा साधला. यामध्ये रझाकचा टोला खरंतर पाकिस्तानी क्रिकेट बोर्डाला असला तरी त्यासाठी वापरलेले शब्द हे पातळी सोडून होते असे नेटकऱ्यांनी म्हटले आहे.
पाकिस्तानच्या लाजिरवाण्या खेळानंतर रझाककर्णधार म्हणाला, “कर्णधार म्हणून युनूस खानचा हेतू चांगला होता आणि त्यामुळे मला चांगली कामगिरी करण्याचा आत्मविश्वास मिळाला. इथे प्रत्येकजण पाकिस्तानच्या संघाच्या हेतूविषयी चर्चा करत आहे. वास्तविक, पाकिस्तानमध्ये खेळाडू विकसित करण्याचा आणि त्यांचे स्किल पॉलिश करण्याचा कोणाचाच हेतू नाही. जर तुम्हाला वाटत असेल की ऐश्वर्या रायशी लग्न करून एक चांगला आणि पवित्र मुलगा जन्माला येईल, तर असे कधीच होणार नाही.
२०२३ च्या क्रिकेट विश्वचषकातील पाकिस्तान क्रिकेट संघाचा प्रवास अत्यंत लाजिरवाणा होता. बाबर आझमच्या संघाला नऊ सामन्यांपैकी फक्त चार विजय मिळवता आले. त्यांची कामगिरी अपेक्षेपेक्षा फार वाईट होती झाली. भारत, दक्षिण आफ्रिका आणि ऑस्ट्रेलियासारख्या बलाढ्य प्रतिस्पर्ध्यांविरुद्ध संघाला पराभवाचा सामना करावा लागलाच पण तुलनेने नवख्या अफगाणिस्तानने सुद्धा बाबर आझमच्या संघाला धूळ चारली होती.
Video: अब्दुल रझाक बरळला..
विश्वचषकातून बाहेर पडल्यानंतर संघाला जोरदार टीकेला सामोरे जावे लागले. बाबर आझमचे नेतृत्व, कुचकामी फिरकी गोलंदाजी आणि संघाची तयारी आणि रणनीती याबाबत पाकिस्तान क्रिकेट बोर्डाच्या भूमिकेवर प्रश्न उपस्थित करण्यात आले आहेत. यावेळी पाकिस्तानचा माजी कर्णधार शाहिद आफ्रिदी सुद्धा उपस्थिती होता. रझाकच्या या वक्तव्यानंतर निषेध करण्याऐवजी आफ्रिदी हसताना आणि टाळ्या वाजवताना दिसला. त्यामुळे नेटकऱ्यांनी अब्दुल रझाकसहा आफ्रिदीवर सुद्धा ताशेरे ओढले आहेत.
