धोनीच्या रांची येथील घराबाहेर गौरव कुमार हा चाहता तंबू ठोकून राहत आहे. (Photo - Video Screenshot)
भारताचा क्रिकेटपटू, माजी कर्णधार महेंद्रसिंह धोनी खिलाडु वृत्तीसाठी ओळखला जातो. अतिशय खडतर परिस्थितीतून आल्यामुळे धोनीचा एक मोठा चाहता वर्ग आहे. चाहत्यांना कधीही निराश करत नाही, अशी त्याची ख्याती आहे. आपल्या चाहत्यांना भेटून त्यांना आनंद देण्याचा धोनी नेहमीच प्रयत्न करत असतो. पण सध्या एका चाहत्यामुळे धोनी ट्रोल होत आहे. धोनीच्या रांची येथील फार्महाऊसबाहेर त्याला भेटण्यासाठी आलेल्या चाहत्याकडे ढुंकूनही न पाहिल्यामुळे धोनीवर टीका होत आहे. हा चाहता दिल्लीहून १२०० किमतींचे अंतर सायकलवर कापून रांची येथे आला होता. धोनीच्या घराबाहेर त्याने आठवडाभर तंबू ठोकून मुक्कामही केला. पण धोनी फार्महाऊसमधून बाहेर पडताना त्याने चाहत्याकडे पाहिलेही नाही.
गौरव कुमारने इन्स्टावर प्रत्येक दिवसाची एक पोस्ट केली आहे. एका पोस्टमध्ये त्याने म्हटले की, आज पाच दिवस झाले आहेत. मात्र अद्यापही माही सर मला भेटलेले नाहीत. पण गौरव कुमारच्या त्यागाबाबत कदाचित महेंद्रसिंह धोनीपर्यंत माहिती पोहोचलेली नाही. त्यामुळेच जेव्हा तो फार्महाऊसच्या बाहेर आला, तेव्हा धोनीने गौरव कुमारकडे पाहिलेही नाही.
यानंतर आता धोनीवर अनेकांनी टीका केली आहे. एका युजरने म्हटले की, यांना हिरो बोलणे बंद करा.
आणखी एका युजरने म्हटले की, धोनी धोनी करणाऱ्यांनी आता धोनीचा खरा चेहराही पाहून घ्यावा. हा बिचारा गौरव १२०० किमी सायकल चालवून दिल्लीहून रांचीला आला. पण चार दिवसांपासून धोनीने त्याला भेटण्यासाठी वेळ दिला नाही. अशा अहंकारी माणसाचा चाहता व्हायचेच कशाला. हे लोक पीआर वापरून स्वतःची प्रतिमा चमकावत असतात.
अरे ओ धोनी धोनी धोनी करने वालो अब ये भी देख लो अपने धोनी का असली चेहरा ?
इस बेचारे लड़के का नाम गौरव है, ये दिल्ली से 1200KM दूर रांची धोनी से मिलने साइकिल से गया हुआ है,
ये धोनी के घर के सामने पिछले 4 दिन से बैठा है मगर आपके धोनी इससे नहीं मिले,
या व्हिडीओत गौरव धोनीला हात दाखविताना दिसत आहे. मात्र धोनी गाडी न थांबविता निघून जातो. दरम्यान, याआधी धोनीने अनेकदा आपल्या चाहत्यांबरोबर फोटो, सेल्फी काढताना दिसून येतो. मात्र गौरव कुमारला भेट दिली नसल्यामुळे आता धोनीला टीकेला सामोरे जावे लागत आहे.
