IND vs SA : दक्षिण आफ्रिकेला रवाना होण्यापूर्वी मोहम्मद शमीने नेटमध्ये गाळला घाम, फलंदाजी करतानाचा VIDEO केला शेअर Fast bowler Mohammed Shami shared a video of himself practicing batting on Instagram

Mohammed Shami shared a video : मोहम्मद शमी घोट्याच्या दुखापतीतून सावरत आहे. दक्षिण आफ्रिकेविरुद्धच्या कसोटी मालिकेसाठी फिट असेल तरच उपलब्ध होईल. या मालिकेला २६ डिसेंबरपासून सुरुवात होणार आहे.

मोहम्मद शमी फलंदाजीचा सराव करताना (फोटो-लोकसत्ता ग्राफिक्स टीम)

Mohammed Shami shared a video of himself practicing batting on Instagram : सध्या भारत आणि दक्षिण आफ्रिका संघात टी-२० मालिका सुरु आहे. या मालिकेनंतर वनडे आणि कसोटी मालिका खेळली जाणार आहे. दक्षिण आफ्रिकेविरुद्धच्या दोन सामन्यांच्या कसोटी मालिकेसाठी निवड झालेला मोहम्मद शमी दुखापतीशी झुंजत आहे. त्याची निवड झाली आहे, मात्र तो फिट होताच संघात सामील होईल. दरम्यान, त्याचा एक व्हिडीओ समोर आला आहे, ज्यामुळे तो मालिकेपूर्वी फिट होईल अशी आशा निर्माण होत आहे. एकदिवसीय विश्वचषकात शानदार गोलंदाजी करणाऱ्या या उजव्या हाताच्या वेगवान गोलंदाजाने इन्स्टाग्रामवर फलंदाजी करतानाचा एक व्हिडीओ शेअर केला आहे.

या व्हिडिओमध्ये मोहम्मद शमी नेटमध्ये घाम गाळताना दिसत आहे. तो फलंदाजीचा सराव करताना दिसत आहे. शमी एकामागून एक शॉट खेळताना दिसतो. नेटवर पुनरागमन शमी झपाट्याने दुखापतीतून सावरत असल्याचे लक्षण आहे. दक्षिण आफ्रिकेत चांगली कामगिरी करण्यासाठी टीम इंडियाला शमीसारख्या गोलंदाजाची गरज आहे.

View this post on Instagram

A post shared by ???????? ????? (@mdshami.11)

टीम इंडिया दुष्काळ संपवायचा करणार प्रयत्न –

टीम इंडियाने दक्षिण आफ्रिकेत ३२ वर्षात एकही कसोटी मालिका जिंकलेली नाही. अशा परिस्थितीत रोहित शर्माच्या नेतृत्वाखाली संघाला इतिहास रचायला आवडेल. जसप्रीत बुमराह, मोहम्मद सिराज आणि मोहम्मद शमी यांच्या उपस्थितीमुळे वेगवान गोलंदाजी आक्रमण मजबूत दिसते. त्याचबरोबर परदेशातील तिन्ही खेळाडूंची कामगिरीही उत्कृष्ट आहे. त्यांनी ऑस्ट्रेलिया आणि इंग्लंडविरुद्ध शानदार प्रदर्शन केले होते.

हेही वाचा – IND vs SA 2nd T20 : रिंकू सिंगने मोडला सूर्यकुमार यादवचा विक्रम, गौतम-राहुलच्या ‘या’ खास क्लबमध्ये झाला सामील

२६ डिसेंबरपासून कसोटी मालिकेला होणार सुरुवात –

टीम इंडिया दक्षिण आफ्रिका दौऱ्यावर तीन सामन्यांच्या टी-२० मालिकेनंतर तीन सामन्यांची वनडे मालिका खेळणार आहे. यानंतर दोन्ही संघांमध्ये दोन सामन्यांची कसोटी मालिका खेळवली जाणार आहे. २६ डिसेंबरपासून सेंच्युरियनमध्ये पहिली कसोटी खेळवली जाणार आहे. दुसरा कसोटी सामना ३ जानेवारीपासून केपटाऊनमध्ये खेळवला जाणार आहे. टीम इंडियाने शेवटचा आफ्रिकेचा दौरा २०२०-२१ मध्ये केला होता. कसोटी मालिका २-१ ने गमावली. यानंतर विराट कोहलीने कसोटी क्रिकेटचे कर्णधारपद सोडले होते.

हेही वाचा – IND vs SA T20 : दुसऱ्या टी-२० सामन्यातील पराभवावर सूर्याने दिली प्रतिक्रिया; म्हणाला, ‘पहिला डाव संपल्यानंतर मला…’

दक्षिण आफ्रिकेविरुद्धच्या कसोटी मालिकेसाठी भारताचा संघ –

रोहित शर्मा (कर्णधार), शुबमन गिल, यशस्वी जैस्वाल, विराट कोहली, श्रेयस अय्यर, ऋतुराज गायकवाड, इशान किशन (यष्टीरक्षक), केएल राहुल (यष्टीरक्षक), रविचंद्रन अश्विन, रवींद्र जडेजा, शार्दुल ठाकूर, मोहम्मद सिराज, मुकेश कुमार, मोहम्मद शमी, जसप्रीत बुमराह (उपकर्णधार) आणि प्रसिध कृष्णा.

First published on: 13-12-2023 at 12:21 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Fast bowler mohammed shami shared a video of himself practicing batting on instagram vbm