क्रिकेट सर्व काही नसल्याची धोनीला पूर्वीच जाणीव- झहीर

‘‘क्रिकेट हे सर्व काही नसते, हे खेळाडूला समजणे खूप आवश्यक आहे. धोनीला ते खूप आधीच समजले. खेळत असतानाच मैदानाबाहेर आल्यावर क्रिकेटमधून बाहेर पडणे महत्त्वाचे असते. ते प्रत्येकालाच जमते असे नाही. जेव्हा क्रिकेटपटू निवृत्त होतो, तेव्हा त्याच्याकडे आयुष्य जगण्याचे पर्याय उपलब्ध असायला हवेत. निवृत्तीनंतर अनेक खेळाडूंना संघर्ष करताना पाहिले आहे. कारण, त्यांनी आयुष्यात फक्त खेळासाठी सर्वस्व दिले, पण खेळ सोडल्यावर त्यांच्याजवळ काहीच उरले नव्हते,’’असे झहीर म्हणाला.