पाकिस्तानचा माजी क्रिकेटपटू वासिम अक्रमला मँचेस्टर विमानतळावर, स्थानिक अधिकाऱ्यांकडून अपमानास्पद वागणूक मिळाली आहे. खुद्द अक्रमने आपल्या ट्विटर हँडलवरुन यासंदर्भात माहिती दिली आहे. विमानतळावरील अधिकाऱ्यांनी आपल्याशी उद्धटपणे बोलत, माझ्याजवळील औषधांची योग्य काळजी घेतली नसल्याचा आरोप वासिम अक्रमने केला आहे.
Very disheartened at Manchester airport today,I travel around the world with my insulin but never have I been made to feel embarrassed.I felt very humiliated as I was rudely questioned & ordered publicly to take my insulin out of its travel cold-case & dumped in to a plastic bag pic.twitter.com/UgW6z1rkkF
— Wasim Akram (@wasimakramlive) July 23, 2019
वासिम अक्रम हा मधुमेहाच्या आजाराने त्रस्त आहे. यासाठी डॉक्टरांनी दिलेली औषध तो नेहमी आपल्या जवळ बाळगतो. मात्र मँचेस्टर विमानतळावरील अधिकाऱ्यांनी अक्रमशी उद्धटपणे बोलत त्याला त्याची औषधं प्लास्टिकच्या पिशवीमध्ये ठेवण्यास सांगितलं. आपल्यासाठी हा प्रकार अपमानास्पद असल्याचं अक्रमने म्हटलं आहे.
१९९७ सालपासून वासिमला मधुमेहाचा त्रास आहे. त्यावेळपासून वासिम अक्रम आपल्याजवळ डॉक्टरांनी लिहून दिलेली औषधं आणि इंजेक्शन जवळ बाळगतो. दरम्यान या प्रकरणी विमानतळ अधिकाऱ्यांकडून कोणतीही प्रतिक्रीया आलेली नाहीये.