FIFA WC 2022: मेस्सी-एमबाप्पेला मोठी संधी! गेल्या ४४ वर्षात फक्त ‘हा’ खेळाडूच ६+ गोल करून ठरला होता गोल्डन बूटचा मानकरी

२० वर्षांपूर्वी ब्राझीलचा दिग्गज खेळाडू रोनाल्डोने २००२ च्या विश्वचषकात आठ गोल करून ही कामगिरी केली होती. हा अपवाद वगळता या ४४ वर्षात कोणत्याही फुटबॉलपटूने सहापेक्षा जास्त गोल करून गोल्डन बूट जिंकलेला नाही. यावेळी एमबाप्पे, मेस्सी आणि गिरौड यांना हा सहा गोलांचा विक्रम सुधारण्याची संधी आहे.

आणखी वाचा

Raj Thackeray : जगज्जेता डी गुकेशसाठी राज ठाकरेंची खास पोस्ट; म्हणाले, “बुद्धिबळाचा हा खेळ…”

Madhuri Dixit : डर चित्रपट माधुरी दीक्षितने का…

D Gukesh Prize Money: करोडपती झाला विश्विविजेता गुकेश, जागतिक बुद्धिबळ स्पर्धा जिंकल्यानंतर किती मिळाली बक्षिसाची रक्कम?

D Gukesh: डी गुकेश विश्वविजेता! भारताच्या बुद्धिबळपटूने घडवला इतिहास

Smriti Mandhana: स्मृती मानधनाच्या नावे विश्वविक्रम, ‘ही’ कामगिरी करणारी ठरली जगातील पहिली महिला फलंदाज

PAK vs SA: आधी टीम बस चुकली, नंतर पोलिसांच्या गाडीतून पोहोचला मैदानात अन् पाकिस्तानला नमवत जिंकला सामनावीराचा पुरस्कार

गुकेशच्या नवचैतन्याची कसोटी!

मॅरेथॉन घेण्याची ताकद आहे का? राजकारण करणार्‍या भाजपला हितेंद्र ठाकूरांचा सवाल

हेही वाचा: IND vs BAN 1st Test: श्रेयस अय्यरने रचला इतिहास! चेतेश्वर पुजाराचे शतक हुकले, भारताने पहिल्या दिवसअखेर केल्या २७८ धावा

फ्रान्सच्या फॉन्टेनने एकाच विश्वचषकात १३ गोलांसह सर्वाधिक गोल केले आहेत

रोनाल्डोच्या २००२ मध्ये केलेल्या आठ गोल नंतर, २००६ आणि २०१० च्या वर्ल्ड कपमध्ये फक्त पाच गोलांवर गोल्डन बूट देण्यात आला. विश्वचषकाच्या इतिहासात १६ गोलांसह सर्वाधिक गोल करणाऱ्या जर्मनीच्या मिरोस्लाव क्लोसने २००६ मध्ये तर जर्मनीच्या थॉमस म्युलरने २०१० च्या विश्वचषकात पाच गोलांसह गोल्डन बूट जिंकला होता. २०१४ मध्ये कोलंबियाच्या जेम्स रॉड्रिग्ज आणि २०१८ मध्ये इंग्लंडच्या हॅरी केनने प्रत्येकी सहा गोल करून गोल्डन बूट आपल्या नावावर केले होते.

रोनाल्डोच्या आधी १९७४ च्या विश्वचषकात पोलंडच्या ग्रेगॉर्ज लाटोने सर्वाधिक सात गोल करून गोल्डन बूट जिंकला होता. एकाच विश्वचषकात १३ गोलसह गोल्डन बूट जिंकण्याचा विक्रम फ्रान्सच्या जस्ट फॉन्टेनच्या नावावर आहे. १९५८ च्या विश्वचषकात त्याने ही कामगिरी केली होती. पश्चिम जर्मनीच्या जॉर्ड मुलरने १९७० च्या विश्वचषकात १० गोल केले होते. म्युलरने १९७४ मध्येही चार गोल केले होते.

हेही वाचा: ICC Rankings: काल आलेलं पोरगं विराट कोहलीला देतयं टशन, ऑस्ट्रेलियाच्या मार्नस लॅबुशेनने केली विक्रमाशी बरोबरी

विजेत्या संघाच्या फुटबॉलपटूने ९२ वर्षांत केवळ तीन वेळा गोल्डन बूट जिंकला

फिफा विश्वचषक स्पर्धेच्या ९२ वर्षांच्या इतिहासात विजेत्या संघातील फुटबॉलपटूने गोल्डन बूट जिंकण्याची घटना केवळ तीनच वेळा घडली आहे. अर्जेंटिनाच्या मारियो केम्प्सने १९७८ च्या विश्वचषकात सहा गोल करून पहिल्यांदा ही कामगिरी केली होती. त्यानंतर १९८२ मध्ये इटलीच्या पाउलो रॉसीने सहा गोल केले आणि २००२ मध्ये ब्राझीलच्या रोनाल्डोने गोल्डन बूट जिंकला.

गेल्या ११ विश्वचषकात गोल्डन बूट जिंकणारे फुटबॉलपटू