ब्राझीललाच पसंती!

स्वयंगोलने एस्कोबारचा जीव घेतला!
फुटबॉलचे चाहते आपल्या आवडत्या खेळाडूने केलेल्या चुकांमुळे अनेक वेळा खूप आकांडतांडव करतात. कोलंबियाचा खेळाडू आंद्रेस एस्कोबार याने केलेला स्वयंगोल त्याच्यासाठी मृत्यूचेच निमंत्रण घेऊन आला. अमेरिकेत १९९४मध्ये झालेल्या विश्वचषक स्पर्धेत कोलंबियाने अमेरिकेविरुद्ध १-२ असा पराभव स्वीकारला आणि या पराभवामुळे त्यांचे स्पर्धेतील आव्हान संपुष्टात आले. या सामन्यात आंद्रेस याने प्रतिस्पर्धी खेळाडूने मारलेला चेंडू अडविण्याचा प्रयत्न केला. त्याने आपल्या गोलरक्षकाकडे चेंडू तटविला. मात्र त्याच्या फटक्यात एवढा वेग होता, की चेंडू थेट गोलमध्येच गेला व अमेरिकेला गोल बहाल करण्यात आला. याच गोलच्या आधारे अमेरिकेने सामना जिंकला. हा सामना झाल्यानंतर आंद्रेस हा अमेरिकेतील लास व्हेगास येथील आपल्या नातेवाइकांकडे जाणार होता, मात्र त्याऐवजी त्याने मायदेशी परतण्याचा निर्णय घेतला. मायदेशी परतल्यानंतर दोन दिवसांनी तो मेडेलीन येथे आपल्या मित्रांसमवेत हॉटेलमध्ये गेला होता. तेथेच तीन माथेफिरूंनी त्याला गोळ्या घातल्या. एस्कोबारमुळेच कोलंबियाचे स्पध्रेतील आव्हान संपुष्टात आले व त्याच्या या अपराधाची शिक्षा आपण देत आहोत, असे त्या मारेक ऱ्यांनी ओरडून सांगितले होते.
खेळ मांडिला..
टीचभर पोटाची खळगी भरण्यासाठी तुटपुंज्या साधनांनिशी रंगणारा डोंबाऱ्याचा खेळ आपण सारेच पाहतो. दूर ब्राझीलमध्ये फुटबॉल विश्वचषकाचा उत्सव बुधवारपासून सुरू होत आहे. फुटबॉल मैदानाची छोटी प्रतिकृती आणि फुटबॉल या साहित्यांसह ब्राझीलची जर्सी परिधान केलेला हा कलाकार आपल्या अदाकारीने साओ पावलो शहरातल्या रस्त्यावर सर्वाचे लक्ष वेधत होता.