फिफा विश्वचषक २०२२ मध्ये इराणच्या संघाची सुरुवात काही खास झाली नाही. खलिफा स्टेडियमवर सोमवारी (२१ नोव्हेंबर) झालेल्या सामन्यात इराणला इंग्लंडकडून २-६ असा पराभव पत्करावा लागला. सामन्यादरम्यान, इराण संघासाठी एक डोकेदुखी ठरणारी घटना घडली. जेव्हा त्यांचा गोलरक्षक अलीरेझा बॅरोनवंड गंभीर जखमी झाला.
सामन्याच्या १२व्या मिनिटाला त्याची सहकारी खेळाडू माजिद हुसैनीशी टक्कर झाली. त्यामुळे त्यांच्या नाकाला गंभीर दुखापत होऊन रक्तस्त्राव सुरू झाला. वैद्यकीय पथकाने उपचार केल्यानंतर, बॅरोनवंड थोड्या काळासाठी खेळात राहिला. पण १९व्या मिनिटाला तो पुन्हा खेळपट्टीवर पडला, त्यानंतर त्याला स्ट्रेचरवर घेऊन मैदानाबाहेर नेण्यात आले.
बॅरॉनवंडच्या नावावर विश्वविक्रम –
१०१८ च्या विश्वचषकात इराणसाठीच्या तिन्ही सामन्यांमध्ये बॅरॉनवंडने सुरुवात केली होती. त्या तीन सामन्यांत त्याने फक्त दोन गोल केले. असे असतानाही इराणला चार गुणांमुळे गटातून बाहेर पडावे लागले. बॅरॉनवंड त्याच्या लांब थ्रोसाठी ओळखला जातो आणि फुटबॉल खेळपट्टीवर आतापर्यंतचा सर्वात लांब थ्रो (६१.२६मी) करण्याचा जागतिक विक्रम त्याच्या नावावर आहे. ३० वर्षीय बॅरोनवंडने ११ ऑक्टोबर २०१६ रोजी दक्षिण कोरियाविरुद्धच्या विश्वचषक पात्रता सामन्यात ही कामगिरी केली होती.
हेही वाचा – FIFA World Cup 2022 : नेदरलँड्सची विजयी सलामी; सेनेगलवर मात
बुकायो साकाने दोन गोल केले –
इराण-इंग्लंड सामन्याबद्दल बोलायचे झाले, तर इंग्लंडसाठी एकूण पाच खेळाडूंनी गोल केले. जिथे बुकायो साकाने सर्वाधिक दोन गोल केले. त्याचवेळी ज्युड बेलिंगहॅम, रहीम स्टर्लिंग, मार्कस रॅशफोर्ड आणि जॅक ग्रीलिश यांनीही चेंडू गोलपोस्टमध्ये पाठवला. दुसरीकडे इराणसाठी मेहदी तारेमीने दोन्ही गोल केले. फिफा विश्वचषक २०२२ मध्ये, इराणला इंग्लंड, अमेरिका आणि वेल्ससह गट-ब मध्ये ठेवण्यात आले आहे. इराणचा संघ आता २५ नोव्हेंबरला वेल्स आणि मंगळवारी (२९ नोव्हेंबर) संयुक्त राज्य अमेरिकेशी भिडणार आहे.
