Video FIFA World Cup Kylian Mbappe Goal With Header in France Vs Australia: विश्वचषक फुटबॉल स्पर्धेमध्ये गतविजेता फ्रान्सचा संघ मंगळवारी ऑस्ट्रेलियाविरुद्ध विजयाने सुरुवात केली. ऑस्ट्रेलियाविरुद्धचा सामना फ्रान्सने ४-१ च्या फरकाने जिंकला. ड-गटातील हा पहिल्याच सामन्यात ऑलिव्हियर जिरूड, अॅड्रिन रॅबिओट आणि कायलियन एमबाप्पे यांनी केलेल्या भन्नाट गोल्समुळे पहिल्या दहा मिनिटांमध्ये १-० ने मागे पडलेल्या फ्रान्सने दमदार पुनरागमन करत विजय साकारला. पहिल्या दहा मिनिटांमध्ये क्रेग गुडविनने ऑस्ट्रेलियाला १-० ची आघाडी मिळून दिली. मात्र यानंतर फ्रान्सने पुन्हा एकही संधी ऑस्ट्रेलियन संघाला दिली नाही. उलट आक्रमक पवित्रा घेत ऑस्ट्रेलियाच्या गोलपोस्टमध्ये चार गोल दागले.
नक्की पाहा >> ‘अल्लाह… अल्लाह… अल्लाह…’ सौदी अरेबियाच्या मिडफिल्डरचा मॅच डिसायडर Goal पाहून कॉमेंटेटरच झाला बेभान; पाहा Video
पहिल्या हाफमध्ये ऑलिव्हियर जिरूड, अॅड्रिन रॅबिओट यांनी फ्रान्सला २-१ ची आघाडी मिळून दिली. त्यानंतर दुसऱ्या हाफमध्ये किलियन एम्बापेने भन्नाट खेळ करत आघाडी ३-१ वर नेली. एम्बापेने संघाचा तिसरा गोल नोंदवताना अप्रतिम हेडर मारला. तर चौथ्या गोलसाठी एम्बापेने जिरूडला उत्तम पास देत गोल पोस्टमध्ये चेंडू दागण्यात मोलाची कामगिरी बजावली. एम्बापे आणि जिरूडच्या जोडीनं फ्रान्ससाठी चौथ्या गोलची नोंद केली. सामन्याच्या नवव्या मिनिटाला क्रेग गुडविनने ऑस्ट्रेलियाकडून एकमेव गोल नोंदवला.
नक्की वाचा >> FIFA World Cup: अनपेक्षितरित्या सामना जिंकल्याने ‘या’ देशात आज राष्ट्रीय सुट्टी; सरकारी, खासगी कार्यालये, शेअर बाजारही बंद
सामन्यातील २७ व्या मिनिटाला रॅबिओटने गोल करत सामन्यात बरोबरी साधली. त्यानंतर जिरूडने ३२ व्या मिनिटाला गोल करत फ्रान्सला आघाडी मिळवून दिली. एम्बापेने सेकेण्ड हाफमध्ये सामन्यातील ६८ व्या मिनिटाला अप्रतिम हेडर मारला. जिरूडने या सामन्यातील वैयक्तिक दुसरा गोल ७१ व्या मिनिटाला नोंदवला. एम्बापेने मारलेला हेडर सध्या सोशल मीडियावर चर्चेचा विषय ठरत आहे.
नक्की पाहा >> Video: सामन्याच्या १० व्या मिनिटाला मेस्सीने केलेला अप्रतिम गोल पाहिलात का? FIFA World Cup मध्ये नोंदवला विक्रम
३६ वर्षीय जिरूडने या सामन्यात दोन गोल करत आपल्या गोल्सचं अर्धशतक पूर्ण केलं. सध्या ५१ गोल्ससहीत जिरूड हा फ्रान्सच्या फुटबॉल इतिहासामध्ये सर्वाधिक गोल्स करणाऱ्या टेरी हेन्रीच्या विक्रमाशी बरोबर केली आहे.
