India vs Bangladesh U19 World Cup 2024 Match : शुक्रवार १९ जानेवारीपासून अंडर-१९ विश्वचषकाला सुरुवात झाली आहे. यावेळी दक्षिण आफ्रिकेत अंडर-१९ विश्वचषक खेळला जात आहे. भारतीय संघ शनिवारपासून १९ वर्षाखालील विश्वचषक २०२४ च्या मोहिमेला सुरुवात करणार आहे. भारतीय संघाचा पहिला सामना शेजारील बांगलादेशशी होणार आहे. उदय सहारनच्या नेतृत्वाखालील टीम इंडिया बांगलादेशला अजिबात हलके घेणार नाही.
बांगलादेशने अंतिम फेरीत भारताचा केला होता पराभव –
टीम इंडिया आपल्या अंडर-१९ विश्वचषक २०२४ च्या मोहिमेची सुरुवात बांगलादेशचा पराभव करून विजयाने करू इच्छित आहे. भारत आणि बांगलादेश यांच्यातील पहिला सामना मंगुआंग ओव्हलवर खेळवला जाणार आहे. भारतीय संघ बांगलादेशपेक्षा खूपच सरस असला तरी विश्वचषकासारख्या स्पर्धेत बांगलादेशला हलक्यात घेता येणार नाही.
१९ वर्षांखालील विश्वचषकात टीम इंडियाला यापूर्वीच बांगलादेशकडून पराभव पत्करावा लागला आहे. २०२० अंडर-१९ विश्वचषकाच्या अंतिम फेरीत बांगलादेशने टीम इंडियाचा पराभव केला होता. या पराभवामुळे टीम इंडियाचे पाचव्यांदा चॅम्पियन होण्याचे स्वप्न भंगले.या विजयासह बांगलादेशने प्रथमच अंडर-१९ विश्वचषकाचे विजेतेपद पटकावले. टीम इंडियाने सर्वाधिक पाचवेळा अंडर-१९ वर्ल्ड कप जिंकला आहे. टीम इंडियाने २०२२ अंडर-१९ वर्ल्ड कपही जिंकला होता. आता टीम इंडिया गतविजेता म्हणून या स्पर्धेत उतरणार आहे.
कधी आणि कुठे पाहता येणार सामना?
तुम्ही स्टार स्पोर्ट्स चॅनलवर अंडर-१९ विश्वचषक २०२४ मधील भारत आणि बांगलादेश यांच्यातील सामना पाहू शकता. याशिवाय, सामना डिज्नी प्लस हॉटस्टारवर देखील प्रसारित केला जाईल, जिथे तुम्ही विनामूल्य सामन्याचा आनंद घेऊ शकता. हा सामना भारतीय वेळेनुसार दुपारी १.३० वाजता सुरू होईल.
भारताचा संघ : आदर्श सिंग, अर्शिन कुलकर्णी, मुशीर खान, उदय सहारन (कर्णधार), प्रियांशू मोलिया, सचिन दास, मुरुगन अभिषेक, अरावेली अवनीश (यष्टीरक्षक), नमन तिवारी, राज लिंबानी, सौम्या पांडे, आराध्या शुक्ला, इनेश महाजन गौडा, रुद्र पटेल, प्रेम देवकर, मोहम्मद अमन, अंश गोसाई.
हेही वाचा – PCB : पाकिस्तान क्रिकेट बोर्डाला मोठा धक्का! झका अश्रफ यांनी दिला पीसीबीच्या अध्यक्षपदाचा राजीनामा
बांगलादेशचा संघ : आशिकुर रहमान शिबली (यष्टीरक्षक), आदिल बिन सिद्दीक, झिशान आलम, चौधरी मोहम्मद रिझवान, अरिफुल इस्लाम, अहरार अमीन, मोहम्मद शिहाब जेम्स, महफुजुर रहमान रब्बी (कर्णधार), शेख पावेझ जिबोन, मोहम्मद रफी उज्जमान रफी, वासी सिद्दीकी, रोहनत दौला बोरसन, मारूफ मृधा, एमडी इक्बाल हुसैन अम्मान, अशरफुझमान बोरान्नो.
