मिताली-पोवार वादाची वेळ चुकली – संदीप पाटील

मिताली आणि पोवार या दोघांबरोबरही मी काम केले आहे. मी या दोघांनाही ओळखतो. या दोघांमध्ये वाद झाले याचे मला दुःख आहे. पण हे वाद उपांत्य फेरीच्या सामन्याआधी झाले, ही बाब सर्वात जास्त धक्कादायक होती. कारण तिला संघातून वगळण्यात आले आणि भारताला सामना गमवावा लागला, असे ते म्हणाले.

मोठ्या स्पर्धांमध्ये दडपण असते. त्यामुळे काही वेळा थोडी वादावादी होऊ शकते. पण या वादामुळे भारताला स्पर्धेतून बाहेर जावे लागले. तसेच या वादात दोघेही एकमेकांवर आरोप करत आहेत. त्यामुळे या वादात मी कोणाचीही बाजू घेणार नाही. पण वादाची वेळ अतिशय चुकीची होती, असे ते म्हणाले.