आंतरराष्ट्रीय क्रिकेटमध्ये दोन महिला खेळाडूंनी लग्नगाठ बांधली आहे. न्यूझीलंडची महिला क्रिकेटपटू हेली जेन्सन आणि ऑस्ट्रेलियाची निकोला हॅनकॉक या विवाहबंधनात अडकल्या आहेत. या दोन्ही खेळाडू ऑस्ट्रेलियात महिलांच्या बिग बॅश लीग स्पर्धेत मेलबर्न स्टार्स संघाकडून खेळत होत्या. मेलबर्न स्टार्सनेही आपल्या ट्विटर हँडलवरुन या दोघींना लग्नाच्या शुभेच्छा दिल्या आहेत. From #TeamGreen, congratulations to Stars bowler Nicola Hancock who married her partner Hayley Jensen last weekend! pic.twitter.com/QvWb7Ue0Qx— Melbourne Stars (@StarsBBL) April 18, 2019 आंतरराष्ट्रीय क्रिकेटमध्ये महिला खेळाडू लग्नबंधनात अडकण्याची ही पहिलीच वेळ नाहीये. याआधी दक्षिण आफ्रिकेच्या डेन वेन निकर्क आणि मारिजाने कॅप यांनीही गेल्यावर्षी लग्न केलं होतं. न्यूझीलंडकडून ७ एकदिवसीय आणि टी-२० सामने खेळणारी हेली जेलसन जलदगती गोलंदाज आहे. तर, ऑस्ट्रेलियाच्या निकोला हॅनकॉकने अद्याप आंतरराष्ट्रीय क्रिकेटमध्ये पदार्पणच केलं नाही. निकोला ही सध्या मेलबर्न स्टार्ससाठी बिग बॅश लीगमध्ये क्रिकेट खेळते.